Хрватските министри во БиХ спречија безвизен режим за граѓаните на Саудиска Арабија
Против таа одлука беа министрите од Хрватската демократска заедница на БиХ, кои сметаат дека тоа ќе го значи 880 илјади конвертибилни марки (околу 450 илјади евра) помалку во буџетот од издавање визи.
Тие наведуваат дека ЕУ наводно укажала дека укинувањето на визите за Саудиска Арабија би ја нарушила безбедноста.
„Го штитиме европскиот пат на БиХ, без оглед како медиумите го пренесуваат тоа“, изјави Јосип Грубеша, министер за правда на Босна и Херцеговина.
Според него, луѓето кои доаѓаат од Саудиска Арабија немаат проблем со влегувањето во БиХ ако имаат виза за некоја од европските земји или САД, зашто таа нивна виза важи и за Босна и Херцеговина.
Владата на Кантонот Сараево претходно понуди да ги рефундира тие спорни 450 илјади евра од приходите од визи за да се овозможи доаѓање на државјани на Саудиска Арабија во земјата во туристичката сезона.