Албанија ќе вакцинира со мобилни екипи

Од следната недела вакцинацијата против ковид-19 во Албанија ќе се одвива и со теренски екипи, најави албанската министерка за здравство и социјална заштита, Огерта Манастирлиу. Тоа ќе се врши во подрачја каде граѓаните сè уште не биле вакцинирани.



Таа додаде дека во моментот се вакцинираат лица над 50-годишна возраст, дека во овој и следниот месец ќе продолжат отворените денови во кои се дава можност да бидат вакцинирани лица над 18-годишна возраст.

Манастирлиу рече дека почнале со имунизација на стари и немоќни лица и на лица со попреченост во нивните домови.



Хрватска донира 310.000 вакцини за земјите од регионот


Таа информираше дека до денеска со процесот на имунизација се опфатени вкупно 974.486 лица, при што 407.402 се ревакцинирани.