Невреме во Ранковце предизвика материјални штети и прекин на струја

Делови од земјава денеска беа погодени од силно невреме, како во кичевско и околината и реонот на општина Ранковце, при што беа предизвикани метеријални штети, прекин на струја и отежнат сообраќај.  

Невремето во Ранковце со дожд и силен ветер направи штета и прекини во напојувањето со електрична енергија. Според градските власти во Ранковце, најпогодени од невремето се селата Гиновци, Петралица и делови од Одрено.

Градоначалникот на општина Ранковце Ивица Тошевски изјави дека силниот ветер и поројниот дожд направиле голема материјална штета во во селата и дека биле паднати дрвја, оштетени кровови, искинати кабли за телефон, интернет и кабли за струја.

Климатски промени: Штетите големи, државата доцни со планот за адаптација

„Како локална самоуправа презедовме интервентни активности во координација со Територијалната противпожарна единица“, рече Тошевски додавајќи дека допрва ќе се утврдуваат штетите настанати во земјоделските култури.  

Кичево и околината исто така беа зафатени од силно невреме во доцните попладневни часови. Имаше пороен дожд, ветер и силни електрични празнења.

Набрзо на улиците имаше голема количина на вода и сообраќајот се одвиваше отежнато, особено во деловите каде нема атмосверска канализација.