Нови 13 случаи на коронавирус, нема починати
Регистрирани се 13 нови случаи на Ковид-19 во изминатите 24 часа од направени 3.404 тестирања. Нема регистрирани починати лица, а оздравен е еден пациент, соопшти денеска Министерството за здравство.
Од новозаразените, во Тетово се 7, а во Скопје 6.
Од почетокот на пандемијата досега во земјава се дијагостицирани 155.782 лица со Ковид-19, починаа 5.487 лица и 150.124 се излекувани.
Бројот на активни случаи во моментов изнесува 172.
Филипче: Нема нови мерки, потребна е масовна вакцинација
Министерот за здравство Венко Филипче денеска изјави дека до денеска нема нови случаи на заразени со индиската делта вријанта на вирусот, а дека се очекува во текот на денот да стигнат податоци за четворицата суспектни на јужноафриканскиот сој на коронавирусот.
Тој претходно изјави дека засега не се планира воведување на нови мерки, но дека е потребна масовна вакцинација на населението како подготовка за есенскиот период.
Филипче рече дека ситуацијата е мирна, но дека ја следат состојбата и во земјава и во регионот.