ОН: Тортура и малтретирање на притворени во источна Украина
![ОН: Тортура и малтретирање на притворени во источна Украина](https://gdb.rferl.org/179604ed-6dcb-4a1e-8bb9-ed675923a228_w800_h450.jpg)
Обединетите нации соопштија дека тортура и лошо постапување со притворени лица се случуваат секој ден на територијата во источна Украина контролирана од сепаратистите поддржани од Русија.
Заменик-шефот за права на Обединетите нации, Нада Ал-Нашиф, на 9 јули изјви дека има „огромни повреди“ извршени во затворот „Изолијација“ во Доњецк и во други места контролирани од сепаратистите во источна Украина.
Прекршувањата „продолжуваат на дневна основа и се вршат систематски“, рече Нашиф пред Советот за човекови права на ОН со седиште во Женева.
Не е постигнат договор за Велигденско примирје на украинскиот конфликт
Нашиф презентираше извештаи за притвор, тортура и лошо постапување во источна Украина, како и за човековите права на Крим.
Заменик високиот комесар за човекови права рече дека извештајот проценува дека од почетокот на конфликтот, околу 4.000 притвореници поврзани со конфликтот биле подложени на тортура или малтретирање, и на територијата под контрола на владата, и на територијата под контрола на сепаратистите.
Нашиф рече дека тортурата и малтретирањето биле поголеми во почетната фаза на конфликтот, а особено во областите контролирани од владата се намалиле со текот на времето.