Напад со дрон врз американска воена база во Ирак
Меѓународната коалиција предводена од САД во Ирак соопшти дека воена база во која се сместени американски војници била нападната со беспилотно летало, но оти во нападот нема жртви.
Нападот се случи вчера рано наутро во пресрет на закажаната средба на ирачкиот премиер Мустафа ал-Кадеми со американскиот претседател Џо Бајден на 26 јули.
Медиумите јавуваат дека двајцата лидери ќе разговараат за можното заминување на сите американски војници од земјата.
Нападнатата воена база била во курдскиот автономен регион во северен Ирак. Ирачките медиуми јавија дека била нападната базата ал-Харир, на околу 70 километри од Ербил, главниот град на Ирачки Курдистан.
Ова е последен во низата напади врз американски воени и дипломатски објекти во Ирак, за кои се обвинуваат проиранските милиции во земјата.
Бајден го ослободи првиот затвореник од Гвантанамо во својот мандат
Во Ирак сè уште има околу 2500 американски војници. Во 2014 беа распоредени 3500 илјади американски војници да се борат против екстремистичката организација Исламска држава.