Голем шумски пожар над Кочани
![Голем шумски пожар над Кочани](https://gdb.rferl.org/bd6953ef-a0c7-4424-95c2-c6536f8948c9_w800_h450.jpg)
Попладнево избувна голем шумски пожар во подножјето на Осоговските Планини, на околу еден километар над Кочани. Огнот зафати борова шума на површина од околу 10 хектари, а помогнат од силниот ветер брзо се шири во правец на градот и најверојатно ќе зафати поголема шумска површина.
Изгаснат пожарот во Гевгелија, повреден пожарникар во Тетово
„На терен се наоѓаат екипи на Територијалната противпожарна единица од Кочани, кои со две возила и четири пожарникари се обидуваат да го контролираат ширењето на огнот. Истовремено нашите колеги интервенираат на пожар кај селото Бања во општина Чешиново-Облешево и единицата не е комплетна за интервенцијата во Кочани. Поради тоа ги повикавме и колегите од Штип и Виница, истакна Благој Паунов“, командир на ТППЕ – Кочани.
Пожарот во Карбинци ставен под контрола
Голем шумски пожар над село Белица
Првичните сознанија укажуваат дека пожарот е предизвикан од удар на гром, а сувата вегетација дополнително придонесува за неговото брзо ширење. На истата локација имаше пожар и пред една седмица, при што изгоре шума на површина од 10 хектари.