Избори во Полска: Владејачката партија со најмногу гласови, но без мнозинство

Полската владејачка партија Право и правда (ПиС) освои најмногу места во Парламентот самостојно, покажаа излезните анкети по изборите вчера, но блокот на либералните опозициски партии се чини дека има парламентарно мнозинство, што би можело да значи крај на осумгодишното владеење на националистите.

Ако резултатите од излезните анкети се и официјални резултати, вчерашните избори би можеле да претставуваат голема пресвртница за Варшава, која, откако ПиС дојде на власт во 2015 година, се расправа со Европската унија за владеењето на правото, слободата на медиумите и миграцијата.

Според анкетата на Ипсос, ПиС доби 36,8 отсто од гласовите, што значи 200 пратеници во 460-члениот парламент.

Полскиот опозициски лидер Доналд Туск го најави почетокот на новата ера за неговата земја, откако беа објавени резултратите од излезните анкети во кои опозициските партии освоија доволно гласови на вчерашните парламентарни избори за да ја соборат владејачката националистичка конзервативна партија.