مالیې وزارت: ازبکستان پر افغان سوداګریزو توکو ټکس کم کړی
د مالیې وزارت ویاند اجمل حمید عبدالرحیمزي د چهارشنبې په ورځ ازادي راډیو ته وویل چې دغه پرېکړه د افغانستان او ازبکستان ترمنځ له سوداګریز او ترانزیټي هوکړه لیک له لاسلیک وروسته وشوه.
ښاغلی رحیمزي وایي، ازبکستان اوس مهال د هر کانټېنر سوداګریزو توکو پرسر چې له خاورې یې تېرېږي ۱۲۵۰ ډالر اخلي حال دا چې دا رقم پخوا ۲۵۰۰ ډالر وو.
نوموړي زیاته کړه چې اوس مهال افغان سوداګر کولي شي د ازبکستان له لارې په زیاته پیمانه صادرات او واردات ولري او د نوموړي هېواد له لارې لهه منځنۍ اسیا او روسیې سره وصل شي.