د ملګرو ملتونو منځګړی نن دوشنبه یونان ته ځي
د ملګرو ملتونو منځګړی نن یونان ته ځي او دغلته په هغو دوه ورځنیو خبرو کې برخه اخلي چې هدفیې د پخوانۍ یوګوسلاویا د مقدونیا له جمهوریت سره د دې هېواد د نوم پر سر د یونان د ۲۷ کلن کړکېچ هواری دی.
د ملګرو ملتونو ځانګړی دغه استازی به وروسته دوه ورځې په مقدونیا کې تېرې کړي.
یونان په ۱۹۹۱ میلادي کال کې د مقدونیا د خپلواکۍ راهیسې له دې هېواد سره د مقدونیا د نوم پر کارولو شخړه لري او دې لانجې په اروپايي ټولنه او ناټو کې د مقدونیا د شمولیت هڅې له ستونزو سره مخ کړې دي.
اتن وايي، د سکوپی لهخوا د مقدونیا نوم کارول د یونان د شمالي سیمې مقدونیا سره یو ډول د ځمکې پر سر ادعا څرګندوي.
یونان او مقدونیا دواړو ویلي چې غواړي په دې کال کې دا شخړه هواره کړي او به دې اړهیې د خبرو اترو په تشدید موافقه کړې ده.
د یونان صدراعظم الکسي څیپراس د شنبې په ورځ وویل، نوموړی چمتو دی چې د مقدونیا هېواد لپاره یو داسې ترکیبي نوم ومني چې پهکې د مقدونیا یادونه هم شوې وي لکه "بره مقدونیا" یا هم "کوزه مقدونیا".
نوموړي دا څرګندونې د اپوزېسيون له یو شمېر مشرانو سره تر خبرو وروسته کړې دي.