د پاکستان کُرمه ایجنسۍ کې بم چاودنې د یوې کورنۍ ۶ غړي ووژل
پاکستاني چارواکي وایي، د افغانستان پولي ته څېرمه کُرمه ایجنسۍ کې نن پر یوه موټر د سړک د غاړې بم چاودنه کې د یوې کورنۍ لږ تر لږه شپږ غړي ووژل شول.
د اکبر افتخار په نوم یوه سیمهییز چارواکي وویل، دغه پېښه په کُرمه قبایلي سیمه کې هغه مهال رامنځته شوه چې د دغې کورنۍ د سپرلۍ پر موټر د سړک د غاړې بم وچاودېد.
ویل شوي دغې کورنۍ غوښتل په سیمه کې په یوې جنازې کې ګډون وکړي.
افتخار وویل، درې ښځې او درې سړیان ځای پر ځای ووژل شول او زیاته یې کړه دا نهده روښانه چې دا یو ماین و، که په سړک کې ښخ شوی بم.
تر اوسه هېڅ یوې ډلې د دې پېښې مسؤلیت پر غاړه نهدی اخېستی.