فریډم هاوس: امریکا کې ډموکراسي خورا زیاته کمزورې شوې
په واشنګټن کې دېره دا ټولنه په خپل راپور کې د تېر ۲۰۱۸ میلادي کال جریاناتو ته په پام سره په ټوله نړۍ کې د بشري حقونو وضعیت څېړلی دی.
راپور د نړۍ په ۶۸ هېوادونو کې د مدني ازادیو یو تیاره تصویر وړاندې کوي خو په پنځوسو هېوادونو کې پهدې برخه کې د پرمختګ خبر ورکوي.
فریډم هاوس د روسیې، ایران، اذربایجان، مونټينګرو، هنګري، صربیا او د منځنۍ اسیا پر ۳ هېوادونو په تېرو پرلهپسې ۱۳ کلونو کې د بشري ازادیو په برخه کې د پاتې راتلو له کبله انتقاد کوي.
راپور زیاتوي چې که څه هم د نړیوالو معیارونو پر بنسټ په امریکا کې ډموکراسي لا هم پیاوړې ده خو په تېرو اتو کلونو کې خورا زیاته کمزورې شوې.