په پکتیا کې په زرګونو کیلو ګرامه نشهيي مواد وسوځول شول
په پکتیا ولایت کې په زرګونو کیلو ګرامه نشهيي مواد وسوځول شول.
په هغه خبرپاڼه کې چې د دې ولایت له نشهيي موادو سره د مبارزې ریاست لهخوا رسنیو ته لېږل شوي راغلي چې د دې ولایت په بېلابېلو سیمو کې پولیسو دوه زره کیلو ګرامه هیروئین، چرس، تریاک او الکولي مشروبات نیولي او د دې ولایت په مرکز ګردېز کې یې سوځولي دي.
د یادونې وړ ده چې د دې موادو د قاچاقو په تور ۳۹ کسان نیول شوي او تر لومړنیو څېړنو وروسته عدلي او قضايي مرکز ته معرفي شوي دي.