Новости за 19.08.2019

يوه ويبسايټ خبر ورکړى چې د ايران د تېلو هغه لېږدوونکې کښتۍ چې د امريکا متحده ايالتونه ورباندې شک لري چې له يوه منعه شوي سازمان سره اړيکې لري، پرون له جبل الطارق څخه نامعلوم لوري ته خوځېدلې ده. دا خبر مرين ټرافيک ډاټ کام ويبسايټ ورکړى چې د GPS له معلوماتو په استفاده کښتۍ تعقيبوي. له تېرې نيمې شپې د ادريان دريا ١ په نوم ايرانۍ کښتۍ چې مخکې يې نوم ګریس ١ و او د پانامه بيرغ ورباندې راځوړوند و، د ايبريا ټاپووزمې په جنوبي برخه کې په نړيوالو اوبو کې راوڅرخېده او داسې ښکاري چې مديترانې سمندرګي ته داخله شوې وي. Читать дальше...

د افغانستان د خپلواکۍ بېرته اخیستو ۱۰۰مې کلیزې په مناسبت د اګست پر ۱۸مه د خوست په شېخ زاید پوهنتون کې "اماني څېړنیز مرکز" پرانیستل شو چې پکې به د غازي امان الله خان پر فکر او هڅو څېړنې کېږي. په اړه یې ویډويي رپورټ وګورئ.

د افغانستان د کرکټ د ملي لوبډلې لوبغاړی محمد شهزاد د یوه کال لپاره په هېڅ ډول کورنیو او نړیوالو رسمي لوبو کې ګډون نشي کولی. د افغانستان کرکټ بورډ وايي چې د دغه بورډ د ډسپلین او انظباط کمېټې د شهزاد په اړه پرېکړه د کرکټ بورډ له اصولو څخه د هغه د پرله پسې سرغړونو له امله کړې ده. کرکټ بورډ ویلي چې نوموړي د یادې ادارې له اجازې پرته څو ځلې له هېواده بهر تللی دی. دا په داسې حال کې ده چې په روانه میاشت کې یو شمېر پاکستاني رسنیو په پېښور کې د محمد شهزاد د غیر قانوني تمریناتو راپور ورکړ چې په افغانستان کې یې هم پراخ غبرګونونه راوپارول. Читать дальше...

د افغانستان د بيا خپلواکي تر لاسه کولو د سلمې کلیزې په مناسبت د افغان- انګلیس درېيمې جګړې ته پام کوو چې په پایله کې يې افغانستان بشپړه خپلواکي تر لاسه کړه.

اتلانتیک خپرونې په دې اړه لیکلي، داسې ښکاري چې د ټرمپ حکومت به په څو ورځو یا څو اوونیو کې له طالبانو سره داسې موافقه اعلان کړي چې پر اساس یې امریکايي پوځیان له افغانستانه ووځي.

د افغانستان جمهور رئیس اشرف غني ویلي، پاکستان لا هم د طالبانو ملاتړ ته دوام ورکړی او د سولې په پروسه کې یې جدي همکاري نه ده کړې. ارګ ماڼۍ دا خبره پرون ماښام د ولسمشر غني په حواله په ټوېټر باندې خپره کړې او زیاته کړې یې ده چې که طالبان د پاکستان ملاتړ ونه لري، دوام نه شي کولی. د بیان له مخې ښاغلي غني په ارګ کې د افغانستان او پاکستان لپاره د چین له ځانګړي استازي ډینګ شیجون سره په کتنه کې دا خبرې کړي. غني د کابل تر خونړي برید یوه ورځ وروسته چې پکې نږدې دوه نیم سوه کسانو ته مرګ ژوبله اوښتې، په... Читать дальше...

په پاکستان کې یوې بمي چاودنې ۶ کسان وژلي او ۱۷ نور ټپیان دي. پېښه د خیبرپښتونخوا په بر دیر کې شوې ده. ځايي چارواکو رسنیو ته ویلي چې د مسافرو یو موټر د سړک غاړې په ماین ورختلی او چاودنه پرې شوې ده. د پېښې په ټپيانو کې د ۳ پولیسو د شاملېدو خبره هم تأیید شوې ده. ویل کېږي چې اکثر وژل شوي او ټپیان د طالبانو ضد د سولې خوځښت غړي وو. اسوشېټېډ پرېس خبري اژانس لیکلي چې د پاکستاني طالبانو تحریک یا ټي ټي پي د دې برید مسؤلیت په غاړه اخیستی دی.

د بریتانیا له ملاتړه برخمن جبل الطارق حکومت د ایراني تېل وړونکې بېړۍ د بیا ځلي ایسارولو لپاره د امریکا له غوښتنې سره مخالفت وکړ. د جبل الطارق دولت د یکشنبې په ورځ یو بیان ورکړی او ویلي یې دي چې نه شي کولی چې ګریس یو بېړۍ چې اوس په ادریان دریا نومول شوې، ایساره کړي. د بیان له مخې، د امریکا د غوښتنې نه ترسره کولو علت د اروپايي ټولنې قوانین او پر ایران د اروپايي ټولنې او امریکا د بندیزونو توپير ښودلی. د امریکا عدليې وزارت اعلان کړی و چې د امریکا له مالي نظامه د ناقانونه استفادې او په سوریې د سپاه... Читать дальше...

زلمي خلیلزاد ویلي چې د بین الافغاني خبرو په شمول باید د سولې پروسه چټکه کړو او دا بریا د داعش ماتولو ته افغانان لا سره غښتلي کوي.

دا د مشال راډیو لومړۍ خپرونه ده چې په کې تر خبرونو وروسته رپورټونه، له خبریالانو خبرونه او رپورټونه او سندرې در خپروو.

هندي چارواکو یو وار بیا د کشمیر په لوی ښار سرینګر کې د خلکو په راټولېدو بندیز لګولی دی.

د جګړو او بریدونو دوام ان د خپلواکۍ د بیا ګټلو د سلمې کلیزې په مناسبت پلان شوی لوی جشن هم اغېزمن کړ.