Новости за 21.03.2020

د اسټرالیا صدراعظم سکاټ موریسن هیله څرګنده کړه چې د امریکا او طالبانو د سولې هوکړه به په افغانستان کې د سولې او ثبات سبب شي. د افغانستان جمهوري ریاست پرون جمعه په یوه خبرپاڼه کې وویل چې موریسن په یوه پیغام کې ولسمشر محمد اشرف غني ته د بیا ولسمشر انتخابېدو مبارکي ویلې او هیله یې کړې چې د دوحې د تېرې میاشتې هوکړه به په افغانستان کې دایمي سولې ته لار هواره کړي. ده په ۱۸۶۰ میلادي کال د لومړنیو افغانانو د اوښانو کاروانونو ته په اشارې د دوو هېوادونو اړیکې زړې او تاریخي وبللې. د اسټرالیا صدراعظم د... Читать дальше...

د سولې ولسي حرکت وايي، په ارزګان ولایت کې د دوی د یوه مخکښ غړي د تښتول کېدو ۲۰ ورځې پوره شوې خو لا نه دی خوشې شوی. د دې حرکت ویندوی بسم الله وطندوست ازادي راډیو ته وویل چې نظر جان نظري د امریکا او طالبانو ترمنځ د فبروۍ په ۲۹ د سولې د موافقې د لاسلیک په ورځ د طالبانو تر کنټرول لاندې سیمې ته تللی و چې د دې ډلې له لوري ونیول شو. بسم الله وطندوست له طالبانو وغوښتل چې د دوی غړی ښاغلی نظري ژر تر ژره خوشې کړي. وطندوست همداراز وویل چې له طالبانو سره یې تر اوسه د نظري د خلاصون په اړه څو ځلې خبرې کړي او هغوی له ژمنې سره سره نه دی خوشې کړی. Читать дальше...

د افغانستان د عامې روغتیا وزارت په دریو ولایتونو کې سلګونو کسانو ته شلټرونه يا پناهځايونه جوړ کړي دي، دا کار يې د دې لپاره کړی چې په معتادینو او روغو خلکو کې د کرونا وایرس خپور نه شي.

د افغانستان ولسمشر په زابل کې پر افغان امنیتي ځواکونو پرونی برید وغانده. د ارګ له خبرپاڼې سره سم، ولسمشر غني ویلي، دا برید په داسې وخت کې شوی چې له یوې خوا افغانان د کرونا ویروس د خپرېدو له درکه اندېښمن دي او له بلې خوا افغانستان په یوه حساس او برخلیک ټاکوونکي پړاو کې دی. ولسمشر غني خبرداری ورکړی چې دا ډول بریدونه سولې ته برابر شوی فرصت له خطر سره مخامخوي.

د افغانستان د کورنیو چارو وزارت وايي، له طالبانو څخه به د زابل د پروني برید غچ واخلي. د کورنیو چارو وزارت مرستیال ویاندې مروې امیني تېره شپه ازادي راډیو ته وویل چې افغان امنیتي او دفاعي ځواکونه به طالبانو ته د دې برید سخت ځواب ورکړي. د زابل د چارواکو په وینا طالبانو د خپلو نفوذي کسانو په مرسته پرون جمعه سهار وختي د زابل ولایت مرکز کلات ته نژدې د لویې لارې پر یوه پوسته برید وکړ چې په نتیجه کې یې د ملي اردو او ملي پولیسو ۲۴ سرتېري ووژل شول. طالبانو تراوسه پورې د دې برید مسوولیت په غاړه نه دی اخیستی. Читать дальше...

د پاکستان صدراعظم عمران خان له خپلو هېوادوالو وغوښتل چې د کرونا ویروس د خپرېدو د مخنیوي لپاره د ځان د قرنطین کولو او د راشه درشه د نه کولو پالیسي په کلکه مراعت کړي. عمران خان پرون جمعه په اسلام اباد کې خبریالانو ته وویل، په درست هېواد کې د ټولو فعالیتونو د درېدو غوښتونکی نه دی ځکه چې دا به د بېوزلو خلکو ستونزې ډېرې کړي. په پاکستان کې، چې نژدې ۲۲۰ میلیونه نفوس لري، تراوسه پورې د ۴۸۱ تنو کرونا ویروس تایید شوی دی. د دغو کسانو اکثره ایران ته تللي وو او له هغه ځایه یې ویروس له ځان سره پاکستان ته وړی دی. Читать дальше...

د بشري حقونو د څار ډلې یا هیومن رایټس واچ له پاکستانه په کلکه وغوښتل چې د کرونا ویروس پر ضد د بندیانو د خوندیتوب او د کافي طبي پاملرنې او درملو د برابرولو لپاره فوري او عاجل اقدام وکړي. د بشري حقونو د څار ډله، چې په نیویارک کې دېره ده، وايي چې باید د پاکستان په محبسونو کې د بندیانو پر شمېر بیا کتنه وشي او هغه بندیان ژر خوشې شي چې جرمونه یې درانه نه دي. د بشري حقونو د څار ډله وايي، د پاکستان په محبسونو او توقیځایونو کې، چې ګڼه ګوڼه پکې زیاته ده، د کرونا ویروس د خپرېدو خطر ډېر دی.

بریتانیا د کرونا وایرس د مخنیوي لپاره ټول اقتصادي او ورځني فعالیتونه په ټپه ودرول. د بریتانیا صدراعظم بوریس جانسن تېره شپه ملت ته په وینا کې وویل چې ټولو کافیانو، پبونو یا بارونو، او رستورانونو ته وايي چې له نن شپې څخه خپلې دروازې بندې کړي. ده همداراز وویل چې له نایټ کلبونو، تیاترونو، سینماګانو، سپورتي لوبغالو، جمنازیمونو او تفریحځایونو څخه هم غواړي چې خپلې دروازې وتړي. په انګلنډ یا انګلیستان، سکاټلنډ، ویلز او شمالي آیرلنډ کې سر له پرونه ټول ښوونځي بند شول. په همدې حال کې د بریتانیا د مالیې... Читать дальше...

په افغانستان کې د ناټو یوه لوړ رتبه چارواکي د نوي لمریز کال په مناسبت په خپل پیغام کې د افغانستان د سیاسي مشرانو پر یووالي ټینګار وکړ. د افغانستان لپاره د ناټو ملکي استازي نیکولاس کې، په خپل ویډیويي پیغام کې افغانانو ته د نوي لمریز کال مبارکي هم ورکړې ده. هغه زیاته کړه: "په دې نوروز کې مې هیله دا ده چې د افغانانو هیلې په حقیقت بدلې شي، دوی هیله من دي، چې سیاسي مشران یې یو موټي شي او دغه هېواد د سولې پر لوري او د کرونا ویروس پر وړاندې د مبارزې پر لار متحد کړي." په افغانستان کې د ناټو ملکي استازي... Читать дальше...

د ننګرهار ولایت د کامې ولسوالۍ ۴۱ کلن احمد ضیاء له اتلسو کالو راهیسې نشه کوي.

پولیسو په نیمروز ولایت کې يوه اندازه نشه يي مواد او تېزاب ونیول.  د نیمروز ولایت امنیه قومندان الله داد فدايي ازادۍ راډیو ته وویل، د دې ولایت پولیسو د حوت د میاشتې پر (۲۷) نېټه د دې ولایت په مرکز زرنج پورې اړوندو سیمو کې (۶۰) لېټره تېزاب او دوولس کیلو او (۸۰۰) ګرامه تاریاک ونیول.  د دې موادو د ساتنې او قاچاقو په تور څوک نه دی نیول شوي.