Новости за 25.09.2020

په پاکستان کې یوې محکمې د ډاکتر شکیل افریدي محاکمه یو وار بیا وځنډوله. شکیل افریدی له هغه مهاله چې په ۲۰۱۱ میلادي کال د امریکا ځانګړو ځواکونو په ایبټ اباد کې د القاعده شبکې مشر اسامه بن لادن وواژه، بندي دی. ویل کېږي چې افریدي د واکسین له لارې د بن لادن کور پېژندلی و. نوموړی د ۲۰۱۱ د مې په ۲۳ نېټه ونیول شو. پرون د پېښور د استیناف محکمې وویل چې پر دې قضیې به د روان سېپټېمبر له دېرشمې غور پیل کړي. د افریدي مدافع وکیل قمر ندیم پرون ازادي راډیو ته وویل چې د ده د موکل محاکمه تراوسه پورې ۱۶ ځلې ځنډول شوې ځکه چې دولتي څارنوال نه دی حاضر شوی.

د امریکا متحدو ایالتونو د ایران پر دوو قاضیانو، یوې محکمې او درېیو زندانونو بندیزونه ولګول. یو قاضي سید محمود ساداتي دی، چې د راپورونو پر اساس د ایران د یوه غېږنیوونکي نويد افکاري په اعدام کې دخیل و. د ایران د دولتي رسنیو د راپور له مخې، نوید افکاري د سېپټېمبر پر ۱۲مه وروسته له دې اعدام شو چې د ۲۰۱۸ میلادي کال د حکومت ضد اعتراضونو په لړ کې د چړې په وسیله د یوه امنیتي ساتونکي په وژلو محکوم شو. دغه بندیزونه د شېراز انقلابي محکمې د لومړۍ شعبې پر یوه قاضي، محمد سلطاني هم لګول شوي دي. د ایران... Читать дальше...

د افغانستان لپاره دامریکا ځانګړي استازي زلمي خلیلزاد یو وار بیا په افغانستان کې د تاوتریخوالي د کمېدو غوښتنه وکړه. ښاغلي خلیلزاد دا غوښتنه په هغه بحث کې وکړه چې پرون د امریکا د سولې د انسټېټیوټ په کوربه توب جوړ شوی و او ده پکې انلاین څرګندونې وکړې. د افغانستان د سولې لپاره د امریکا ځانګړي استازي د اورکم یا د تاوتریخوالي د کمېدو لپاره خپله غوښتنه تکرار کړه. دی وايي، په افغانستان کې د تاوتریخوالي زیاتېدا د منلو نه ده او د کمېدو په اړه یې باید ګامونه واخیستل شي. ده په دې اړه د امریکا د سولې انسټېټیوټ ته وویل... Читать дальше...