Новости за 06.01.2021

د افغانستان د کرنې او مالدارۍ وزارت په پکتیا ولایت کې د جلغوزیو د پروسس د یوې لویې فابریکې د پرانيستل کېدو خبر ورکوي. د دغه وزارت ویاند اکبر رستمي نن ازادي راډیو ته وویل، چې دا فابریکه د ٦ میلیونه ډالرو په ارزښت د ځايي پانګه والو لخوا جوړه شوې ده. ښاغلی رستمي وايي، دغه فابریکه د ٦٠ زره مټریک ټنه جلغوزو د ساتنې ظرفیت لري. د نوموړي په وینا، د جلغوزیو صادرات او تولید په وروستیو کلونو کې ښه پرمختګ کړی. د کرنې وزارت وايي، سږکال د جلغوزو تولید د ٢٣ څخه تر ٢٤ زره مټریک ټنو ته رسېږي. د افغانستان... Читать дальше...

د کونړ امنيتي چارواکي وايي، د وسله والو مخالفینو په برید کې یو پولیس وژل شوی او دوه نور ټپیان دي. د امنیه قومندانۍ ویاند فریدالله دهقان په دې اړه ازادي راډیو ته وویل:  "تېره شپه د کونړ په سرکاڼو ولسوالۍ کې د ملي پولیسو په پوستو د دښمن له خوا بریدونه شوي چې په نتیجه کې یې یو پولیس شهید شوی او دوه نور ټپیان دي. دښمن ته هم تلفات اوښتي خو دقیق معلومات یې نه شته." دهقان زیاته کړه، چې وسله والو مخالفینو په دې بریدونو کې لیزري وسلې کارولي دي. تر اوسه وسله والو د دغو بريدونو په اړه څه نه دي ويلي.

په کابل ښار کې به د سلو میلیونو ډالرو په لګښت نوې پرمختللې امنیتي کمرې نصب شي. دا خبره د ولسمشر لومړي مرستیال امرالله صالح نن په خپله فیسبوک پاڼه لیکلې ده. ښاغلي صالح ویلي، یو وار مخکې په ۲۰۰۸ کال کې امنیتي کمرې لګول شوې وې خو دا وار به د هغه په خبره له پخوا ښې او په پرمختللې ټکنالوجۍ سمبال امنیتي کمرې ولګول شي. د ولسمشر لومړي مرستیال ویلي، د کمرو په لګولو څه باندې سل میلیونه ډالره لګښت راځي چې د ناټو/غوڅ ملاتړ یې مرسته کوي.

د افغانستان د دولت د سولې مذاکره کوونکی پلاوی وایي دا وار په خبرو کې په اوربند ډېر ټینګار کوي.  ​دا پلاوى پرون دوحې ته رسېدلى.  د مذاکراتي پلاوي یوې غړې شریفه زرمتي رسنیو ته په یوه استولي پیغام کې ویلي: "د افغانستان د اسلامي جمهوري دولت د مذاکرې پلاوی د جنوري د پنځمې نېټې د ژمنې سره سم دوحې ته راغلي یو. د مذاکراتو دویم پړاو په پیلېدو باندې دی. که څه هم د مذاکراتو دوهم پړاو به له ځانه سره ستونزې ولري خو موږ ورته ناهیلي نه یو. څرنګه چې د افغانستان د ولسونو غوښتنه په افغانستان کې د یوې تلپاتې او... Читать дальше...

مسير مسیر ورځپاڼې د سولې دوهم پړاو خبرو په تړاو لیکلي، د سولې خبرې په داسې مهال پیلېږي، چې په کلیوالو سیمو کې جګړه ده او په ښارونو کې مقناطيسي ماینونو او چاودنو د وېرې فضا خوره کړې ده. د لېکوال په باور، د سولې په خبرو کې لا هم د دواړو اړخونو ترمنځ واټن زیات ښکاري او سخته به وي چې ژر دا فاصله راکمه شي. خو ورځپاڼه ليکي، ترا وسه پورې د سولې په خبرو کې شوي پرمختګونه د امریکا د مخامخ فشار په پایله کې وو او له دې وروسته هم ښکاري، چې امریکا به خپلو فشارونو ته دوام ورکړي. د ليکوال په وینا، همدا چې... Читать дальше...

د مصر د پلازمېنې قاهرې په یوه حمام کې یو ډول بې زهره ماران مراجعین مساژ کوي. په داسې حال کې، چې ماران د دوی پر بدن ورو حرکت کوي، مراجعین نرمه موسیقي هم اوري. د حمام خاوند صفوت صدیقي وویل، د بې زهرو مارانو په واسطه مساژ د بدن د درد له کمېدو سره مرسته کوي. صدیقي زیاتوي، هر مشتري د ۳۰ دقیقو مساژ په بدل کې ۱۰۰ مصري پاونډه ورکوي، چې د ۳۰ ډالرو معادل کېږي.

افغانستان د بهرنیو چارو وزیر محمد حنیف اتمر په کابل کې د ملګرو ملتونو د مرستندوی ماموریت یا یوناما له مشرې سره په کتنه کې په افغانستان کې د تاوتریخوالي پر زیاتېدو اندېښنه وښوده. ​د بهرنیو چارو وزارت په یوه اعلامیه کې وویل، ښاغلي اتمر پرون له دیبورا لاینز سره په کتنه کې په افغانستان کې د هراړخیز اوربند پر فوري ټینګېدو ټینګار وکړ. یوناما هم په خپل ټویټر کې لیکلي، چې مېرمن لاینز د سولې له بهیره د نړیوالې ټولنې پر ټولیز ملاتړ خپلولو له ښاغلي اتمر سره بحث وکړ، چې پر طالبانو د اوربند د منلو لپاره فشار راولي. Читать дальше...

د افغانستان لوی درستیز، محمد یاسین ضیا د هلمند ولایت امنیتي او امنیتي مسوولانو ته سپارښتنه وکړه، چې د دغه ولایت د امنیتي وضعیت د ښه کېدو لپاره جدي اقدامات وکړي. د دفاع وزارت یوه ویاند مواد امان، تېره شپه ازادۍ راډیو ته وویل، ښاغلی ضیا پرون سې شنبه هلمند ته لاړ.  هغه وویل: "د وسله والو ځواکونو لوی درستیز د هلمند د وضعیت ارزونې لپاره دغه ولایت ته سفر وکړ. په دې ولایت کې یې د ملي اردو لاسته راوړنې وستایلې او د هلمند لوړپوړو چارواکو ته یې سپارښتنه وکړه، چې د هلمند د امنیتي وضعیت د ښه کېدو لپاره نور... Читать дальше...

د ارمنستان د ولسمشر ارمن سارګسیان د کرونا ویروس ټیسټ پرون سې شنبه مثبت شو. د محلي رسنیو د راپورونو له مخې، سارګسیان د نوي میلادي کال په جریان کې بریتانیا ته سفر کړی و، هغه هېواد چې د کرونا ویروس نوې بڼه په کې لومړی خپره شوه. په راپورونو کې ویل شوي، چې ۶۷ کلن سارګسیان د نوي میلادي کال جشن په لندن کې له خپلې کورنۍ سره تېر کړ. د هغه د روغتیایي وضعیت په اړه نور څه نه دي ویل شوي. رسمي ارقام ښیي، چې تر اوسه په ارمنستان کې د کرونا ويروس مثبتې پېښې تر یو لک او ۶۰زرو زياتې دي او نږدې ۲۹۰۰ کسان یې په نتیجه کې مړه شوي دي. Читать дальше...

نړیوال بانک خبرداری ورکړ، که د کرونا ویروس  پېښې زیاتې شي، یا خلکو ته د کرونا ویروس ضد واکسین ورکول وځنډېږي، وضعیت به لا خراب شي. ​د فرانسې خبري اژانس په حواله، نړیوال بانک پرون سې شنبه په یوه راپور کې وویل، د نړۍ اقتصادي لرلید تر اوسه تت دی. په راپور کې ویل شوي، چې د کرونا ویروس له کبله راغلي اقتصادي رکود په میلیونونو کسان له بېوزلۍ سره مخامخ کړي دي. د ورلډو میټر ویبسایټ د راپور له مخې، تر اوسه په نړۍ کې په کرونا ویروس د اخته کسانو شمېر تر شپږ اتيا ميليونو او څلورو لکو او ۱۹زرو اوښتی دی او... Читать дальше...

د امریکا د متحدو ایالتونو په جورجیا ایالت کې د مشرانو جرګې لپاره د ټاکنو په دویم پړاو کې رایه اچونه پیل شوې ده. د جنورۍ د پنځمې د ټاکنو نتیجه به په واشنګټن کې د قدرت توازن او د خپلې اجنډا د پرمخ بېولو لپاره د ټاکلي ولسمشر جو بایډن په مشرۍ د نوې ادارې ځواک  څرګند کړي. جمهوریپال سناتوران ډېوېډ پردو او کلي لوفلر له خپلو ډیموکرات رقیبانو جان اوسوف او رافایل وارناک سره سیالۍ ته ولاړ دي. د دغو ټاکنو نهايي نتیجه به په راروانو څو ورځو کې معلومه شي.

په پاکستان کې د هزاره قومي اقلیت غړو پرون د درېیمې پرله پسې ورځې لپاره خپل پرلت ته دوام ورکړ. اعتراض کوونکو وړمه شپه په داسې حال کې په کمپونو کې تېره کړه، چې هوا سخته سړه وه. د هزاره قوم دغو غړو، چې د قاتلانو د مجازاتو او د ایالتي چارواکو لیرې کېدلو غوښتنه کوله ویلي، تر هغو چې غوښتنې یې پرځای نه شي، خپل پرلت ته به دوام ورکړي. د دوی درېیو اعتراض کوونکو په کوټه کې د ازادۍ راډیو مشال څانګې سره خبرې کړې دي.  استاد حسین وويل: "دا لومړۍ پېښه نه ده، موږ نه پوهېږو دا څه کیسه روانه ده."  دغه راز سید عاقل وايي: "دا یوازې اوسني شهیدان نه دي. Читать дальше...

د افغانستان مذاکره کوونکی هیئت د طالبانو له مذاکره کوونکو سره د مذاکرو د بلې مرحلې د پیل لپاره پرون قطر ته ورسېد. په پام کې ده د دولت او طالبانو مذاکره کوونکي «د قدرت د شریکولو» تر څنګ پر ځینو نورو موضوعاتو هم بحث وکړي. د ملي مصالحې عالي شورا وايي، د مذاکرو په دوهمه مرحله کې به تر ډېره په افغانستان کې د اوربند پر ټینګښت او د جګړې پر بندېدو زیات تمرکز وشي. د دې شورا ویاند فریدون خوځون پرون له ازادۍ راډیو سره په خبرو کې وویل، په افغانستان کې له بېلابېلو اقشارو سره په سلا مشورو کې د جګړې د بندولو غوښتنه شوې ده. Читать дальше...

انټل نیوز انټل نیوز خپرونې چې غالباً د هېوادونو د استخباراتي فعالیتونو په اړه راپورونه خپروي، یومطلب لیکلی چې نوم یې دی:" افغانانو لس چینایي جاسوسان چې ادعا کېږي له طالب پلوه ډلو سره یې اړیکي نیولې وې، له هېواده ایستلي دي." په دې مطلب کې راغلي، د افغانستان حکومت دغه چینایي استخباراتي افسران وروسته له هغه له خپل هېواده وایستل چې ګواکې له طالب پلوه کړیو سره یې اړیکې نیول واضح شوي وو. په عین وخت کې په دې وروستیو کې سپینې ماڼۍ ته هم داسې معلومات ورکړل شوي چې ګواکې پېکنګ په افغانستان کې د امریکایي... Читать дальше...