Новости за 18.07.2025

په امن پاڅون کې ناستو سلګو کسانو ته ویناوالو په شمالي وزیرستان کې د امن د راوستلو او د خلکو د سر او مال د خوندي کولو په اړه خبرې وکړې. مشران وايي، دا هڅې یې د ممکنه عملیاتو د مخنیوي لپاره روانې کړې دی. په سیمه کې د اتمانزیو جرګې ته حکومت تر دې وړاندې دوه میاشتې وخت ورکړی وو چې په دې وخت کې به له وسلوالو سره خبرې کوي او له جګړو به یې منع کوي. حکومت او پوځ وايي، په سیمه کې د امنیت د ټینګښت لپاره عملیات لازم دي خو که قامي مشران ګڼي چې بې له عملیاتو دا مسله هوارولی شي نو خپل کردار دې ولوبوي. نور حال د مشال راډیو د خبریال په دې وېډيويي راپور کې.

د ازادي راډیو د نن ورځې مهم خبرونه

د پاکستان د طبیعي ناورینونو پر وړاندې د مبارزې اداره (اېن ډي اېم اې) وايي چې د جون له وروستۍ اونۍ څخه د جولای تر ۱۷مې پورې د ورښتونو پر مهال په مختلفو پېښو او سېلابونو کې تر ۱۸۵ زیات کسان وژل شوي او سلګونه ژوبل دي. دا په داسې حال کې ده چې د جولای په نیمايي کې د پشکال میاشت له پیلېدو راهیسې سخت ورښتونه په پنجاب کې د سېلاب لامل شوي دي او دولتي راډیو وايي چې حکومتي کارکوونکي او پوځ د خلکو د ژغورنې په عملیاتو کې برخه اخلي. اېن ډي اېم اې وايي، په ورښتونو او سېلابونو کې تر ۱،۰۰۰ زیات کورونه هم زیانمن شوي دي. Читать дальше...

د ملګرو ملتونو د بشري استوګنې پروګرام (یو ان -هبیتات) خبرداری ورکړی چې په کابل کې د اوبو کچه د پام وړ کمه شوې او شاوخوا شپږ میلیونه خلک د اوبو د کمښت له خطر سره مخامخ دي.

سره له دې چې د سوریې په دې جنوب لوېدیځه سیمه کې تر څلور ورځنیو نښتو وروسته، چې نژدې ۶۰۰ تنه پکې وژل شوي، اوربند اعلان شوی و، له سیمې ورکړل شوي راپورونه د دروزي جنګیالیو او بدویانو ترمنځ د نښتو د بیا پیلېدو پخلی کوي. انادولو خبري آژانس، الجزیرې، او واشنګټن پوسټ ورځپاڼې د چنګاښ په ۲۷مه، جمعه راپور ورکړ چې د سوېدا په سیمه کې ټینګ شوی اوربند د پنجشنبې په ماښام مات شو او یو ځل بیا نښتې پیل شوې. د انادولو خبري آژانس د راپور له مخې، چې خبریالان یې په سوریه کې حضور لري، د سني بدویانو د بېلابېلو قبیلو سلګونه... Читать дальше...

د امریکا د متحدوایالتونو«دوو استخباراتي سرچینو» تایید کړې چې د اسراییل د بریدونو په ترڅ کې د ایران د ولسمشر، مسعود پزشکیان، د ټپي کېدو خبرونه رښتیا دي. د امریکا CBS شبکې د پنجشنبې په ماښام (۲۶ چنګاښ/سرطان) راپور ورکړ چې دوو امریکایي استخباراتي چارواکو ورته ویلي، د ایران د رسنیو راپورونه چې پزشکیان د اسراییل د بمبارۍ له امله ټپي شوی، حقیقت لري. د فارس او ایرنا دولتي خبري اژانسونو روانه اوونۍ راپور ورکړ چې دا پېښه د ایران او اسرائیل ترمنځ د جګړې په څلورمه ورځ (دوشنبه ۲۶ جوزا) رامنځته شوې. دوی ویلي،... Читать дальше...

یو شمېر کابل مېشتې ښځې او نجونې او د دوی خپلوانې ادعا کوي چې د طالبانو حکومت د حجاب او محارمو نه لرلو په تور د کابل په بېلابېلو سیمو کې دوی نیولي او بندیانې کړې یې دي.

د مستونګ تاڼېدار رووف شاهواني مشال راډیو ته وویل، په برید کې مرستیال ډي اېس پي عبدالرزاق سواتی هم ژوبل شوی وو چې په روغتون کې یې سا ورکړه.

جرمني نن، د جمعې په ورځ (۲۷ سرطان)، ۸۱ افغان نارینه چې په دې هېواد کې په جرمونو محکوم شوي وو، افغانستان ته ولېږل. د فرانس پرېس خبري آژانس د راپور له مخې، د جرمني د کورنیو چارو وزیر الکساندر دوبریند ویلي، د دې کسانو د شړلو حکم د محکمې له پرېکړې وروسته صادر شوی دی. له کله چې په افغانستان کې طالبان بیا واک ته رسیدلي، دا دوهم ځل دی چې جرمني افغان پناه غوښتونکي له خپلې خاورې باسي. د طالبانو د بهرنیو چارو وزارت ویاند، عبدالقهار بلخي هم نن په خپله ایکسپاڼه (پخوانی ټویټر) کې لیکلي چې د کډوالو د ایستلو له قضیې د طالبانو حکومت خبر و. Читать дальше...

پاکستاني رسنیو نن د خپل هیواد د امنیتي سرچینو پر اساس ادعا وکړه چې سرحدي ځواکونو یې تېر ماښام (د جولای په ۱۷مه) پنځه مشکوک ځانمرګي بریدګر په داسي حال کې ونیول چې غوښتل ‌یې له افغانستان څخه پاکستان ته دننه شي. سرچینو نیول شوي کسان د ټي ټي پي یا پاکستاني طالبانو غړي بللي دي او ویلي، دا کسان هغه مهال ونیول شول چې د بیسي خېل کلي په یوه جومات کې یې پناه واخیسته. پاکستان وخت په وخت له افغانستانه د ټي ټي پي د وسله والو کسانو د وراښتو ادعاوې کوي. خو په افغانستان کې د طالبانو حکومت د پاکستان ادعاوې ردوي... Читать дальше...

ثمر هارون بلور، چې روانه میاشت یې عوامي نیشنل ګوند پرېښود او په مسلم لیګ (ن) کې شامله شوه، وايي، په حادثاتي ډول یې انتخاباتي سیاست ته مخه کړه. نوموړې د جولای پر ۱۷مه له مشال راډیو سره په ځانګړې مرکه کې وویل، له خپل ملک سره د مینې اظهار ګناه نه ده. نوموړې وايي، د عوامي نیشنل ګوند له سیاستوالانو او غړو سره د "احترام رشته" لري خو زیاتوي، خپله سیاسي نظریه لري او د هم هغې له مخې سیاست کول غواړي. د بلور مېړه هارون بلور د عوامي نیشنل ګوند یو مشر وو چې د ۲۰۱۸ز کال د جولای پر ۱۰مه په پېښور کې د انتخاباتي غونډې پر مهال په ځانمرګي برید کې ووژل شو. Читать дальше...

شاوخوا یوه میاشت وروسته له هغه امریکا خپل ډیپلوماتان له عراقه وایستل، چې د ایران پر اتومي تاسیساتو بریدونه وشول. د امریکا د بهرنیو چارو وزارت ویاندې، تمی بروس، د پنجشنبې په ورځ (۲۶ سرطان) په یوه خبري ناسته کې وویل: «هغه کارکوونکي به، چې په موقتي توګه له عراقه بهر ځای پر ځای شوي وو، اوس په تدریج په بغداد کې د امریکا سفارت او په اربیل کې کونسلګرۍ ته بېرته ستنېږي.» هغې زیاته کړه چې د بهرنیو چارو وزارت لا هم امریکايي وګړو ته سپارښتنه کوي چې عراق ته سفر ونه کړي. امریکا د دې پرېکړې دقیق دلیل نه ‌دی څرګند... Читать дальше...

د ترکیې د کورنیو چارو وزارت اعلان کړی چې ۱۵۳ کسان یې له داعش ډلې سره د احتمالي تړاو په تور نیولي دي. د ترکیې د کورنیو چارو وزیر، علي یرلیکایا، نن جمعه (۲۷ سرطان) په خپله ایکسپاڼه (پخوانی ټویټر) کې لیکلي چې دا کسان د عملیاتو په ترڅ کې د ازمیر او موغلا، هاتای او ماردین، او سامسون په شمول د ترکیې په ۲۸ ولایتونو کې نیول شوي دي. ده زیاته کړې چې دا کسان د یوې ترهګرې ډلې په ګټه د مالي مرستو او تبلیغاتو په تور نیول شوي دي. د کورنیو چارو وزیر ویلي چې دغه عملیات د ترکیې د استخباراتي ادارو په همغږۍ او د یو شمېر بهرنیو ادارو په همکارۍ شوي دي. Читать дальше...

امریکا وايي، د مقاومت جبهې د پهلګام برید ذمه واري منلې وه چې په ۲۰۰۸ز کال کې په ممبۍ کې د لشکر طیبه تر حملو وروسته په هند کې پر "ملکیانو تر ټولو خونړی برید" وو.

د عراق د ختیځ په کوت ښار کې روغتیايي چارواکو او د پولیسو دوو سرچینو پرون (جولای ۱۷مه) رویټرز ته ویلي، چې په یوه سوداګریز مرکز کې د پراخ اور د لګېدو له امله لږ تر لږه ۶۹ تنه مړه شوي او ۱۱ نور ورک دي. په خپرو شویو تصویرونو کې ښکاري چې د مارکېټ د ودانۍ بهرنۍ برخه بشپړه سوځېدلې ده. په هغو ویډیوګانو کې چې د دې پېښې له ځایه په ټولنیزو رسنیو کې خپرې شوې دي، لیدل کېږي چې د شپې په تیاره کې سترې لمبې پورته کېږي، د اور وژنې کارکوونکي د اور وژلو لپاره د اطفایې د موټرو په وسیله اوبه پاشي، او خلک هم د ژغورنې له ډلو سره مرسته کوي. Читать дальше...

یونسیف وايي، کابو نیمايي افغان ماشومان د خوراک له نظره په شدید فقر کې ژوند کوي. د همدې وضعیت له امله، د ملګرو ملتونو دا اداره یوه نوې پراخه طرحه پیلوي چې د ماشومانو د خوارځواکۍ پر ضد مبارزه وکړي، د ځايي خوړو سیستمونه، د عامه پوهاوي فعالیتونه او د ټولنې ونډه پیاوړې کړي. د یونسیف له خبرپاڼې سره سم، چې د پنجشنبې په ورځ ناوخته یې پر خپله ایکسپاڼه خپره کړې؛ ویلي، دا نوې طرحه چې«First Foods Afghanistan» نومېږي، له ۲۰۲۵ څخه تر ۲۰۲۸ پورې به دوام وکړي او د برېتانیا د حکومت له خوا تمویلېږي. هدف یې دا دی چې... Читать дальше...

د نوبېل انعام ګټونکې ملالې یوسفزۍ بنسټ د جولای پر ۱۶مه پر ووبپاڼه په بیان کې ویلي، تهران، چې غواړي شاوخوا څلور مېلیونه افغانان هېواد ته ستانه کړي، په تېرو اونیو کې سلګونه زره کسان له خپلې خاورې ایستلي دي.

د اوکراین پارلمان د دې هېواد پخوانۍ د اقتصاد وزیره، یولیا سیفری دینکو د صدراعظمې په توګه تائید کړه. سیفری دینکو له دې وړاندې د صدراعظمې مرستیاله هم وه او د اوکراین د ځمکنیو زېرمو په اړه یې له متحده ایالاتو سره د خبرو اترو مشري کوله. د اوکراین پارلمان پرون د رایې اچونې پر مهال سیفری دینکو ته ۲۶۲ مثبتې، ۲۲ منفي او ۲۶ ممتنع رایې ورکړې، او له دې سره نوموړې د دې هېواد نوې صدراعظمه وټاکل شوه. ۳۹ کلنه سیفری دینکو د دینیس شمیهال ځایناستې شوې ده. شمیهال تر ټولو ډېر وخت د اوکراین د صدراعظم په توګه پاتې شوی و. Читать дальше...

په داسې حال کې چې له ایرانه د افغان کډوالو بې‌سارې او ډله‌ییزه جبري ایستنه دوام لري، افغانستان ته د ستنېدونکو ښځو او نجونو د حقونو د احتمالي سرغړونې په اړه اندېښنې مخ پر زیاتېدو دي.