د دايکنډي په پاتو ولسوالۍ کې د طالبانو په برید کې ٢ پوليس وژل شوي
د دايکنډي امنيه قوماندان مل پاسوال غلام سخي غفوري نن ازادي راډيو ته وويل، په دې حمله کې وسله والو طالبانو له پرمختللو وسلو استفاده کړې ده.
دی وایي:
"لايزر لرونکي او دوربين لرونکي وسلې ورسره وې چې سهار وختي ٢ بجې يې پر يوه پوسته حمله وکړه چې له بده مرغه زموږ تر رسېدو پورې ٢ سرتېري مو شهيدان شول، دښمن هم تلفات لري."
په دې حمله کې وسله والو طالبانو ته د اوښتې مرګ ژوبلې د شمېر په اړه څه نه دي ويل شوي.
قوماندان وايي، په دې حمله کې ٦ نور پوليس ټپيان شوي دي.
وسله والو طالبانو د دې پېښې په اړه تر اوسه تبصره نه ده کړې.