ملي امنيت: په کابل کې د داعش ډلې شپږ کسيزه ډله نيول شوې
د ملي امنيت عمومي رياست وايي، په کابل کې د داعش ډلې شپږ کسيزه ډله نيول شوې ده.
دغه رياست نن په يوه اعلاميه کې ويلي چې دغه کسان د خلکو په ترور، اختطاف، د وسلو او منفجره موادو په انتقال او ننګرهار ته د داعش ډلې د غړو او کورنيو په لېږدولو کې دخيل وو.
ملي امنيت وايي، امنيتي ځواکونه د خلکو د خونديتوب لپاره د داعش ډلې په وړاندې خپل عمليات لا پراخوي.