د تکواندو په G1 دوهم پړاو سیالیو کې افغان لوبډلې اتلولي وګټله
د تکواندو په G1 دوهم پړاو نړيوالو سیالیو کې افغان لوبډلې اتلولي خپله کړه.
د افغانستان د بدني روزنې عمومي ریاست نن ازادي راډيو ته وویل چې افغانستان په دغو سیالیو کې ۴ د سرو زرو، ۳ د سپینو زرو او ۲ د برونزو مډالونه ګټلي دي.
دغه سیالۍ چې له تېرو ۳ ورځو راهیسې په هند کې روانې دي، له افغانستان څخه ۲۷ لوبغاړو په بېلابېلو کټه ګوریو کې په کې ګډون کړی.
د تکواندو G1 سیالۍ د هند په حیدراباد ښار کې د ۱۴ هېوادونو د استازو په حضور کې روانې دي.