هنګري کې یو افغان انساني قاچاق کوونکی په عمري حبس محکوم شو
انساني قاچاق کوونکی یو افغان او درې بلغاريايي ملګري يې په هنګري کې په عمري حبس محکوم شول.
پر دوی د ۷۱ پناه غوښتونکو د وژلو تور دی چې په ۲۰۱۵ میلادي کال کې په یوه لارۍ کې د ساه بندېدو له کبله مړه شوي وو او دا لارۍ يې په اتريش کې يوه کلي ته نږدې پرېښې وه.
دا پېښه د ۲۰۱۵ میلادي کال په اګسټ مياشت کې شوې وه.
د هنګري د استېناف محکمې نن پنجشنبه دا پرېکړه وکړه.
۳۲ کلن سمسور لاهو او د ده درې ملګري په انساني قاچاق او وژنه تورن وپېژندل شول.
لومړی دوی په ۲۵ کلن حبس محکوم شوي وو، خو محکمې شواهد ترلاسه کړل چې ښيي په لارۍ کې د اکسیجن په خاطر د بندو کسانو پر غوښتنه سربېره تورنو کسانو د لارۍ د دروازې له پرانیستلو ډډه کړې وه.
درې بلغاریايي کسان د لاهو مرستيال، لارۍ چلوونکی او موټر چلوونکی پېژندل شوي.
قربانيان افغانان، ایرانيان، عراقیان او سوريان وو.
په دوی کې اته ښځې، څلور کوچنيان او ۵۹ نارینه وو.