استرالیا: په ایران کې د استرالیا دوه نیول شوي وکړي خوشې شوي
مارک فيرکين او جولي کينګ چې په جولاى مياشت کې نيول شوي وو، ټول تورونه ورڅخه لېرې شوي دي.
د استراليا د بهرنيو چارو وزيرې مارايس پېن نن سهار په کانبېرا کې وويل: دغه دوه کسان له تهران سره تر حساسو بحثونو وروسته خوشې کړاى شول.
هغې زياته کړه، دوى چې روغتيايي وضعيت او روحيه يې ښه ده، خپل کور ته پر لاره دي.
د استراليا د بهرنيو چارو وزيره مارايس پېن وايي، د اسټراليا درېيم وګړى چې کال مخکې د ايراني چارواکو له خوا نيول شوى او محکوم شوى و، لا هم په توقيف کې دى.
د ايران نيمه دولتي اژانس فارس په سپټمبر مياشت کې د ايران د قضائيه قوې د وياند په حواله راپور ورکړى و چې مور ګيلبيرت د جاسوسۍ په تور نيول شوى دى.
د استراليا د بهرنيو چارو وزيره پېن وايي، د ګيلبيرت قضيه پېچلې ده.
بل خوا د ايران دولتي ټلويزيون راپور ورکړى چې يو ايرانى محصل چې له ١٣ مياشتو راهيسې په استراليا کې بندي و، تر خوشې کېدو وروسته تهران ته رسېدلى دى.