Новости за 16.10.2019

الېکساندرا وېمېنګا ډینییل مشال راډیو ته په استولي برېښلیک کې ویلي چې "د ټولو غړو عمومي غونډه" د اکتوبر پر ۱۶مه پیل شوه چې د اکتوبر تر ۱۸مې به روانه وي.

د امریکا مرستيال ولسمشر، د ملي امنیت سلاکار او بهرنيو چارو وزیر ترکيې ته روان شول. په کشمیر کې درې سخت دريځي وژل شوي دي. دا او نور مهم خبرونه له ازادي ستوډیو.

د قاضي فایز عیسا ضد د مقدمې لامل د فیض اباد احتجاجي ناستې په اړه د نوموړي پرېکړه وه. په هغه فیصله کې قاضي پر هغو ګوندونو سخت انتقاد کړی

د پښتونخوا ملي عوامي پارټۍ د صوبايي اسمبلۍ غړي نصرالله بړېڅي وویل، پکار ده چې د بلوچستان پوهنتون ویډيو رسوايي کې ښکېلو کسانو ته سخته سزا ورکړل شي.

د امریکا د ولسمشر مرستیال مایک پنس، د بهرنیو چارو وزیر مایک پامپیو او د ملي امنیت سلاکار روبرت اوبراین نن انقرې ته ځي، ترڅو د سوریې په شمال ختیځ کې د اوربند غوښتنه وکړي. که څه هم د ترکیې ولسمشر رجب طیب اردوغان ویلي چې هېڅکله به د اوربند سپارښتنه ونه کړي. د امریکا د مرستیال ولسمشر دفتر په یوې اعلامیې کې ویلي چې مایک پنس به د اکتوبر په ۱۷ له ولسمشر اردوغان سره وګوري او د سمدستي اوربند او د مذاکراتو د شرایطو په اړه به خبري وکړي. په همدې حال کې د روسیې د ولسمشر ویاند دیمتري پسکوف په سوریه کې د... Читать дальше...

د شمالي کوریا دولتي رسنیو نن (اکټوبر ۱۶مه) د کیم جونګ اون هغه عکسونه خپاره کړي چې پر سپین اس د پیکتو په نوم غره پر سر ولاړ دی. دغه غر ۲۷۵۰ متره لوړ دی. دولتي رسنیو د کیم د پلویانو په حواله ویلي چې د شمالي کوریا مشر د لویو عملیاتو پلان لري، خو نور جزییات یې نه دي ورکړي. پر اس د دغه غره پر سر د ښاغلي کیم حرکت، د کوریا د انقلاب په تاریخ کې لوی ارزښت لرونکی اقدام بلل شوی دی. کیم تر دې وړاندي تر ځینو لویو پریکړو دمخه هم دغه غره ته ختلی، لکه په ۲۰۱۳ کال کې د خپل تره د اعدام پریکړه، په ۲۰۱۷ کال کې... Читать дальше...

د تاجکستان ولسمشر د دغه هیواد له پارلمان څخه د ډله ییزې بخښني د قانون د تصویب غوښتنه کړې ده چې د بهرنیو اتباعو په ګډون شاوخوا ۲۰ زره کسان ترې اغېزمن کیدای شي.

د افغانستان ملي موزیم چې د دغه هېواد لرغونی برم او تاریخ بیانوي. د دغه موزیم چارواکي وايي، هڅه کوي هغه بودايي مجسمې بېرته ورغوي چې د طالبانو رژیم پرمهال ماتې شوې دي. دا چې دغه چارې څوک مخته وړي او بشپړېدل به یې څومره وخت ونیسي، د رحمت الله افغان ویډیويي رپوټ وګورئ.

د افغانستان دعامې روغتیا د وزارت مسوولین وايي، د کمپاین په دې دوره کې به د هېواد په ۳۲ ولایتونو کې ۸ میلیونه او ۵۰۰ زرهماشومان چې عمرونه یې له پنځو کلونو ټیټ وي، واکسین شي.

د ماشومانو لپاره د ملګرو ملتونو وجهي صندوق (یونیسف) وايي، په کلني ډول صحې خوړو ته د نه لاسرسي له کبله په افغانستان کې دوه میلیونه ماشومان د خوارځواکۍ له ګواښ سره مخامخ دي.

د افغانستان د ټاکنیزو شکایتونو کمیسیون چارواکي وايي، د کابینې د ځینو غړو په ګډون یې سلګونه کسان د انتخاباتي درغلیو او جرایمو په تور، څارنوالۍ ته ورپېژندلي دي.

په سوات ملم جبه کې د ګرين په نوم جوړ کړل شوي سېلځي کې بې واوري لوبې پیل شوي چې ورته ځینې لوبغاړي خوشاله دي. د دې لوبې چمتوکونکي خوښ دي چې له دې سره به د سېلانيانو ورتګ نور هم زيات شي. په دې اړه د نياز احمدخان ویډیو رپورټ وګورئ.

د مشال تر رڼا لاندې بحث د خوړو نړيوالې ورځې ته ځانګړی شوی دی.

د ماشومانو لپاره د ملګرو ملتونو وجهې صندوق (یونیسف) وایې، په افغانستان کې شاوخوا دوه میلیونه ماشومان صحي خوړو ته د نه لاسرسي له کبله له خوارځواکۍ سره مخامخ دي. ددغې ادارې د سوء تغذیې د برخې متخصصې ذکیه معروف نن (میزان ۲۴مه) له آزادي راډیو ته وویل، دا ماشومان تر پنځو کلونو کم عمرونه لري. اغلې معروف وویل، "په افغانستان کې هرکال دوه میلیونه ماشومان له خوارځواکۍ سره مخامخ کېږي. په دې کې د ۶۰۰ زرو ماشومانو وضعیت ډیر خراب دی." نن د اکتوبر ۱۶ په نړۍ کې د خوړو نړیواله ورځ نماځل کیږي.

د مومندو د ګنداو سیمه چې څو کاله پخوا یې نغري جلال اباد ته د تلونکیو کاروانونو له کبله بل ول اوس له بې روزګارۍ، وچکالۍ او کنډکپر سړک سر ټکوي او وايي ژوند یې په ټپه ولاړ دی. دوی له حکومته په سیمه کې د اوبو بندونو او د سړک جوړولو غوښتنه کوي. په دې اړه د شاهنواز ترکزی ویډیو رپورټ وګورئ.

د افغانستان د غالیو او فرشونو مرکز وايي، تېر کال ته په کتو په روان کې بهر ته ددغه هېواد د غالیو په صادراتو کې ۳۰ سلنه کموالی راغلی دی. د دغه مرکز رئیس عبدالقهار خوش خلق نن (چهارشنبه، میزان ۲۴مه) ازادي راډیو ته وویل چې د غالیو او ټغرونو تولیدات ډېر ښه دي، خو په بهر کې ورته ښه بازار نشته. ښاغلي خوش خلق وویل، غالۍ او ټغرونه تر ډېره د افغانستان په شمالي ولایتونو، جلال اباد او کابل کې اوبدل کېږي. "د غالیو او ټغرونو میاشتنی تولید له ۲۵۰۰ تر ۳۰۰ متر مربع دی، خو زمونږ خرڅلاو کم دی، یعنې په کومه چې... Читать дальше...

د امریکا بهرنیو چارو وزارت مرستیاله الېس وېلز وايي، واشنګټن د افغانستان په انتخاباتي کمیسیونو کې د هر ډول لاسوهنې او پر دغو کمیسیونو د سیاسي فشار راوړلو مخالفه ده.

اومالو سیمې ته د دې بغېر بله لار نشته دغه ۷۰ کلومیټره لار څلور ګېنټې وخت اخلي خو په ژمي کې ورباندې تګ مشکل وي او په اوړي پرې ټرافیکي حادثې زیاتې وي. خو بیا هم مسافر یې له ښکلو نظارو خوندونه اخلي. نور تفصیل د مشال راډیو مرکزي څانګې دې رپورټ کې وګورئ چې منورشاه پښتو کړې ده.

په دغه برید کې شپږ افغان سربازان او ۲۰ ماشومان چې د چاودنې سیمې ته نږدې په یوه جومات کې په درس بوخت وو، ټپيان شوي دي.

د امریکا ولسمشر ډونلډ ټرمپ په شام کې د ډزبندۍ لپاره د اکتوبر پر ۱۶مه مرستیال ولسمشر لوړ پوړې ډيپلوماټ او د ملي امنیت سلاکار انقرې ته استوي.

د افغانستان د ملي موزیم چارواکي وايي، د طالبانو د واکمنۍ پرمهال د ماتو شويو بودا مجسمو د جوړونې کارونه دریم پړاو ته داخل شوي دي. چارواکي وايي چې دا وروستی پړاو دی چې عملا د ترمیم چارې پیلیږي او په درېیو کلونو کې به بشپړ شي.

د لوګر امنیتي چارواکي وایي، پولیسو د يو لړ عملياتو په ترڅ کې د اجمل په نوم د حقاني شبکې يو مهم سرګروپ چې په بلال مشهور دی، نيولى دى. د لوګر د پولیسو ویاند شاپور احمدزي نن سهار (میزان ۲۴مه) ازادي راډیو ته وویل، چې اجمل د میزان ۶مې ولسمشرۍ ټاکنو پر مهال يې د لوګر پر مرکز راکټي بريدونه کړي وو. د ښاغلي احمدزي په وینا نوموړي په لوګر کې په بېلابېلو بریدونو کې لاس درلود. تر اوسه طالبانو د نوموړي د نیول کېدو په اړه رسنیو ته څه نه دي ویلي.

عایشه خرم چې د یو کال لپاره د ملګرو ملتونو سازمان ته د افغانستان د ځوانانو د استازې په توګه غوره شوې وایي، تر ټوله ستره اندېښنه یې د سولې په اړه ده. د ازادي راډيو خبریالې فېروزې عزیزي له عایشه خرم سره مرکه کړې.

د کابل چاپ ورځپاڼو په خپلو نننیو ګڼو کې د افغانستان د انتخاباتو، سولې او جګړې په اړه مطالب خپاره کړي دي.

د ډیپلوماټ مجلې په افغانستان کې د ټولنیزو رسنیو په اوسني وضعیت باندې یوه مقاله خپره کړې ده.