چارواکي: په ننګرهار کې د طالبانو د سرې قطعې ۱۲ غړي وژل شوي
د ننګرهار د امنیې قوماندانۍ ویاند مبارز اتل د یکشنبې په ورځ ازادي راډیو ته وویل، تېره شپه او تېره ورځ د خوګیاڼو ولسوالۍ اړوند د وزیرو په تنګي سیمه کې د افغان ځواکونو د توپچې بریدونو او د نړیوالو ځواکونو په هوايي بمبار کې د وسله والو طالبانو د سرې قطعې ۱۲ غړي وژل شوي او درې عرادې موټرې يې له منځه وړل شوي دي.
خوګیاڼی وايي، په یادو بریدونو کې ولسي وګړو ته کوم زیان نه دی اوښتی.
تر اوسه وسله والو طالبانو د حکومت د یادې ادعا په اړه څه نه دي ویلي.