په پاکستان کې د مولانا فضل الرحمن ګوند په مشرۍ مظاهرې پیل شوې
د مولانا فضل الرحمن ګوند تور پورې کوي چې د عمران خان حکومت په درغليو اقتدار ته رسېدلی نو ځکه بايد ختم شي.
د جمعیت علمای اسلام د ګوند مرستیال مولانا فضل علي حقاني پرون په مظاهره کې وویل: "صدراعظم به استعفا ورکوي، انتخابات دې وشي، انتخابات دې د پوځ په لاس کې نه وي، ځکه کوم انتخابات چې پوځ کوي، یو مثال یې ټولې دنیا وکوت او وروستۍ خبره دا چې څومره اسلامي اوامر چې دي، هغه دې ټول خوندي شي."
خو حکومت دا تور بې بنياده بولي.
له بلوچستانه هم د دې ګوند غړي روان شوي، خو وايي چې حکومت ورته ستونزې جوړوي.
په پاکستان کې د اپوزېشن نورو ګوندونو چې پکې عوامي نېشنل ګوند، پاکستان پیپلز پارټي او مسلم لیګ (ن) هم شامل دي، پرېکړه کړې ده چې د حکومت ضد مظاهرو کې به د مولانا فضل رحمان ملاتړ کوي.