په خوست کې ۲۴ میله تفنګچې او په تړاو یې دوه تنه نیول شوي
په خوست کې ۲۴ میله بېلابېلې تفنګچې او په تړاو یې دوه تنه نیول شوي.
د خوست امنیتي چارواکي وایي، د ملي امنیت ریاست ځواکونو ۲۴ میله بېلابېل ډوله تفنګچې او د دې تفنګچو زیات شمېر مرمۍ نیولي دي.
د خوست ملي امنیت ریاست رسنیز دفتر مسؤل ازادي راډیو ته وویل چې د د دې وسلو په تړاو یې یو سړی او یوه ښځه نیول شوي چې غوښتل یې یادې وسلې د پکتیا ولایت زرمت ولسوالۍ څخه خوست ته انتقال کړي، لاس په لاس نیول شوي.