حسین بخش صفري د خپل روسي سیال تر ماتولو وروسته کابل ته ستون شو
یو شمېر حکومتي چارواکي او د کابل اوسېدونکي د صفري د هرکلي لپاره د کابل هوايي ډګر ته ورغلي وو.
نوموړي د جدي په ۷مه نېټه په مسکو کې په ام ام اې رشته کې پر خپل روسي سیال برلاسی شو او تر درې مرحلې مقابلې وروسته یې سیالي وګټله.
ولسمشر محمد اشرف غني، اجرائیه رئیس عبدالله عبدالله، د امریکا د بهرنیو چارو وزارت مرسیتالې الېس ویلز او یوشمېر سیاسونو صفري ته د دې بریا مبارکي ویلې ده.
نوموړي تر اوسه څو د طلاوو مډالونه ګتلي دي.
صفري په خپلو رسمي سیالیو کې څلور ګټلي او دوه یې بایللي دي، په داسې حال کې چې د هغه روسي سیال درې سیالۍ ګټلي او یوازې یوه یې بایللې وه.
صفري د ۶۳ کیلوګرامو او پیټربرګ د ۶۱ کیلوګرامو په وزن کې سیالي وکړه.
نوموړي په داخلي او سیمه ییزو سیالیو کې هم ډېرې بریاوې لري.