کندهار کې د ۳ تنه طالبانو وژل کېدل
اتل قول اردو وايي د کندهار ولایت په میوند ولسوالۍ کې یې درې تنه طالبان په ځوابي حملو کې وژلي دي.
د اتل قول اردو ویاند خواجه یحیی علوي ازادي راډیو ته په یوه غږیز پیغام کې په دې اړه نور جزئیات ورکړل: "افغان ځواکونو د فعال دفاعي حالت په چوکاټ کې د کندهار په میوند ولسوالۍ کې د طالبانو یوه برید ته ځواب ورکړ چې په نتیجه کې درې طالبان ووژل شول او دوه نور ټپیان شول."
ښاغلی علوي زیاتوي، په نښته کې د طالبانو څلور سنګرونه ویجاړ شوي او له هغو څخه یوه اندازه وسلې او مهمات هم ترلاسه شوي دي.
طالبانو تر اوسه په دې اړه څه نهدي ويلي.