د خوست والي په موټریز کاروان چاودنه شوې
د خوست سیمهییز چارواکي وایي چې نن سهار شااوخوا ۱۰ بجې د خوست مرکز اړوند د اداري کمپلکس ترڅنګ د جمهوریت دروازې سره نږدې د خوست والي په موټریز کاروان د سرک غاړې ماین چاودنه کړې چې نوموړی ترې روغ وتلی.
د خوست والي ویاند طالب منګل د سې شنبې په ورځ ازادي راډیو ته وویل چې په دې چاودنه کې د والي دوه ساتونکي ژوبل شوي او د دوو ماشومانو په ګډون یوه ښځه ټپي شوې ده.
د ده په وینا ټپیان روغتون ته استول شوي او روغتیایي وضعیتیې روغ ښودل شوی.
تر اوسه د دې چاودنې مسؤلیت چا نهدی منلی.