صالح: د ترهګرو او د هغوی تمویلوونکو په وړاندې شواهد په ډېرېدو دي
صالح نن سهار په یوه ټویټ کې د دې مسئلې یادونه کړې ده.
هغه ویلي چې د افغانستان ملي امنیت ته د کابل په شمال کې د داعش خراسان او حقاني ډلې په ګډې هستې د بریالیو عملیاتو مبارکي وايي.
د افغانستان مرستیال ولسمشر ویلي چې په دې عملیاتو کې د نیول شویو مهماتو په ډله کې د داعش ډلې مشهوره چاړه چې د خلکو غاړې یې ورباندې پرې کولې او هغه څوکۍ چې "مقتول" بهیې د کمرې مخ ته پرې کېناوه شامل دي.
د افغانستان د ملي امنیت ریاست ویلي چې د چهارشنبې په ورځیې د کابل په ۱۱مه حوزه او شکر درې سیمه کې د داعش او حقاني د ګډې هستې په څلورو پټنځایونو عملیات کړي چې په نتیجه کې یې پنځه ترهګر وژلي او ۸ تنهیې ژوندي نیولي دي.