ځوانان يتيمانو او بې وزلو ته د اختر شيان اخلي
د دې اونۍپه ځوانانو غږ خپرونه کې مو له هغو پغلو او ځوانانو سره خبرې کړي چې د يتيمانو او بې وزلو لپاره د اختر د پېزار ،جامو او نورو شيانو بندوبست کوي.
د قبايلي ځوانانو غورځنګ په نامه غېر دولتي سازمان وايي د يتيمانو ماشومانو لپاره يې د اختر سامان اخستی.
د دې سازمان دوه مشران مصباح الدين اتمانخېل او بشره محسود وايي د دې ماشومانو د تعليم لپاره يې هم تياری نيولی دی.
همداراز د درمان په نوم د يو بل ځوانانو غېر دولتي سازمان مشر سعود شا روغانی بيا وايي بې وزلو ته خوراکي توکي رسوي.
د خپرونې په وروستۍ برخه کې مو د ټولنيزو رسنيو فعال رضا دوتاڼي سره په ټولنيزو رسنيو کې په روانو موضوعاتو هم خبرې کړي دي. د ځوانانو غږ خپرونې کوربه اسرار عالم مومند دی. خپرونه دلته د غږ په ځای کې اوېدای شئ: