د شنو ممیزو پروسس لپاره د 'انارو خدمات' خصوصي شرکت سره تړون وشو
د دې وزارت مسولین وایي، د انارو خدمتونو شرکت په مرسته، په پام کې ده چې په غزني کې هم د ممیزو د پروسس شرکت جوړ شي چې هره ورځ به د ۱۶ مټریک ټنه ممیزو د پروسس ظرفیت ولري.
په غزني کې جوړیدونکي شرکت کې به ۶۰ سلنه ښځې کار کوي.
د کرنې اوبو لګونې او مالدارۍ وزارت ویاند اکبر رستمي ازادي راډیو ته وویل، دا به لومړنی د ممیزو د پروسس شرکت وي چې د کرنې وزارت په مالي او تخنیکي مرسته په غزني ولایت کې جوړ شي.
د ښاغلي رستمي په خبره په پام کې ده چې د وچې میوې د پروسس په موخه په یو شمېر نورو ولایتونو کې هم د کرنې او مالدارۍ وزارت د تخنیکي او مالي ملاتړ د ۲۳ میلیونه افغانیو په ارزښت شرکتونه جوړ شي.