دفاع وزارت: میدان وردګو کې هليکوپټره د عليپور کسانو ویشتلې
دا خبره د دغه وزارت د ویاند مرستیال فواد امان ازادي راډیو ته وکړه او په خبره یې د پيښې په اړه د دوی څېړنې هم پای ته رسیدلي دي.
دا څرخي الوتکه د تېرې پنجشنبې په شپه وویشتل شوه چې ۴ عمله او ۵ د ملي اردو سرتیري په کې ووژل شول.
پرون سیمه ییز پاڅونوال عبدالغني علیپور چې په قوماندان عليپور مشهور دی ازادي راډیو سره خبرو کې دا پیښه توجیه کړه، ځکه د ده په وینا جنګي حالت کې شوې ده.
د ارګ په ګډون بېلابېلو چارواکو پر پېښې غبرګون ښودلی او ویلي یې دي چې له عاملینو سره به یې جدي چلند وکړي.