د ملګرو ملتونو سرمنشي امنیت شورا ته د افغانستان په اړه خپل راپور وړاندې کوي
په پام کې ده د ملګرو ملتونو سرمنشي سبا د وري په درېیمه نېټه امنیت شورا ته د افغانستان په اړه خپل راپور وړاندې کړي.
انتونیو ګوترش به په خپل راپور کې په سیاسي، پراختیايي، د بشري حقونو او د بشري مرستو په برخو کې، په افغانستان کې د ملګرو ملتونو د فعالیتونو په اړه امنیت شورا ته معلومات ورکړي.
د ملګرو ملتونو سرمنشي د عمومي اسامبلې او امنیت شورا د پرېکړهلیکونو په اساس په هرو درېیو میاشتو کې امنیت شورا ته راپور ورکوي.
په کابل کې د ملګرو ملتونو مرستندوی دفتر یوناما په یوه خبرپاڼه کې چې نن خپره شوه ویلي دي چې د افغانستان لپاره د ملګرو ملتونو ځانګړې استازې دیبرا لاینز به هم د امنیت شورا د غونډې په یوه برخه کې خپل راپور وړاندې کړي.