د سایبري بریدونو په اړه بایډن او هاریس یوه غونډه رهبري کوي
د سایبري حملو امریکایي متخصصین وایي چې په فلوریډا ایالت کې مېشت پر کاسیا شرکت د باج اخېستو په هدف ترسره شوې حمله د یوې روسي ډلې کار و.
د سپینې ماڼۍ ویاندې جین ساکي پرون اعلان وکړ چې نننۍ غونډه د باج اخیستو په هدف دغې درېیمې لویې حملې ته د متحدو ایالاتونو د غبرګون یوه برخه ده چې ګومان کېږي په روسیه کې به د یو شمېر جنایت کارانو له خوا پیل شوې وي. تر اوسه د دغې حملې پراخوالی روښانه نه دی.
د جون په دوهمه د دغې ترسره شوې حملې طراحانو د ۷۰ میلیونه ډالرو غوښتنه کړې وه.