بایډن له افغانستانه د امریکايي سرتیرو د وتلو په اړه وینا کوي
رویټرز د سپینې ماڼۍ یوه چارواکي له قوله ویلي چې بایډن به خلکو ته په روانو حالاتو وغږیږي.
دغه چارواکي ویلي، تمه یې نشته چې بایډن دې کومه لویه تګلاره اعلان کړي.
د راپورونو له مخې بایډن د منتقدینو تر فشار لاندې دی، څو د سرتیرو د ستنولو په تړاو لا زیات وضاحت ورکړي.
له افغانستانه د امریکايي ځواکونو د وتلو له بهیر سره هم مهاله تاوتریخوالی هم ورځ تر بلې مخ په زیاتېدو دی.
د امریکا دفاع وزارت ویلي، د عسکرو د ایستلو بهیر نوي سلنه بشپړ شوی.
امریکايي چارواکو ویلي، ۶۵۰ سرتیري به د ډپلوماټانو د ساتنې او د حامدکرزي نړیوال هوايي ډګر د امنیت لپاره په کابل کې پاتې وي.