زلنسکي: له لويديځو شريکانو ترلاسه شوې وسلې جګړه کې اغېز درلودلی دی
زلنسکي پرون ناوخته په یوه ویډیوي پیغام کې ویلي چې د لویدیځ توپونو- هغو وسلو چې له شریکانو یې ترلاسه کړي، بالاخره ډېر پیاوړی اغېز کړی او دی یې دقت ستایي.
هغه زیاته کړه چې د اوکراین پوځ پر ګودامونو او نورو ځایونو چې د اشغالګرو د لوژستیک لپاره مهم دي، د پام وړ ګوزارونه کړي چې دې کار د روسیې د پوځ د بریدونو وړتیا ډېره کمه کړې ده.
د اوکراین د بهرنیو چارو وزیر دیمیترو کولیبا ویلي چې ده او د امریکا د بهرنیو چارو وزیر انتوني بلینکین په دې اړه چې په څه ډول اوکراین ته د متحدو ایالتونو او نورو شریکانو د درنو وسلو د رسولو پروسه په همغږۍ چټکه کېدای شي، خبرې کړې دي.