د يوناما مرستيال له ډاکټر عبدالله سره د افغانستان پر وضعيت خبرې کړي
یوناما په یوه ټویټ کې ویلي چې په دې کتنه کې دواړو لورو په دې اړه چې یوناما په څه ډول کولای شي د یوه ټولشموله ټولنې او حکومت لپاره د خبرو اترو اسانتیاوې رامنځ ته کړي خبرې کړي.
په دې کتنه کې دغه راز د ټولو افغانانو لپاره د د زده کړو د مساوي فرصتونو د یقیني کولو پر اهمیت هم خبرې وشوې.
یوناما په یوه بل ټویټ کې د طالبانو د ریس الوزرا له مرستیال مولوي عبدالکبیر سره د ښاغلي پوتزل د کتنې په اړه کښلي چې په دې کتنه کې له مدني ټولنې سره د ښکېلتیا او د ټولو خلکو د بشري حقونو د تامین پر اهیمت خبرې وشوې او دواړو لورو موافقه وکړه چې په راتلونکې کې به رغندو خبرو ته دوام ورکړي.
مارکوس پوتزل چې د یوناما د مرستیال په توګه یې دنده نوې پیل کړې، دغه راز له دې مخکې د طالبانو د حکومت د ریس الوزرا له مرستیال مولوي عبدالسلام حنفي او د بهرنیو چارو له سرپرست وزیر امیرخان متقي سره هم کتلي و.