یوه افغان لوبغاړي د جرمني د سوک وهنې په سیالیو کې مډال ګټلی
د افغانستان د بدني روزنې او ورزش ادارې نن پر خپله فېسبوک پاڼه لیکلي دي، چې افغان سوک وهونکي سلیمان بهزاد د دې رشتې په نړیوالو سیالیو کې چې په جرمني کې وشوې، د مډال ګټونکی شو.
سلیمان بهزاد په دې سیالیو کې خپلو ایټالوي، جرمني او کینیايي سیالانو ته په ماتې ورکولو سره د ډبلیو بي سي مډال په خپل نوم کړ.
د بدنې روزنې او ورزش ادارې د معلوماتو پر بنسټ په دې سیالیو کې د ۱۳ هېوادونو لوبغاړو برخه اخیستې وه، چې له افغانستانه سیلمان بهزاد د دې سیالیو ګډونوال و.