کندهار: د اوبو درې بندونه رغول کېږي
د طالبانو یوه سیمهييز مشر ملا عبدالخالق باختر خبري اژانس ته ویلي چې دا بندونه په شاه ولي کوټ او سپین بولدک ولسوالیو کې رغول کېږي.
د طالبانو د حکومت د کرنې وزارت وايي، د سپین بولدک د اوبو بند د ۳۵ میلیون افغانیو په لګښت رغول کېږي او د ۲،۳ میلیون مکعب متره اوبو د زېرمه کولو ظرفیت لري.
د کندهار مهم کرنیز محصولات انګور او انار دي چې د وچکالۍ له وجې یې په تېرو کلونو کې حاصلات کم شوي وو.