د شپږیزې کرکټ لیګ لومړۍ سیالې وشوې
دا لوبه پرون د کابل د کرکټ په نړیوال لوبغالي کې د زرګونه نندارچیانو په مخکې ترسره شوه.
د کرکټ بورډ ویاند فرید هوتګ آزادۍ راډیو ته وویل، چې دې لیګ ته بهرني لوبغاړي هم رابلل شوي دي.
هغه وايي: "بهرني لوبغاړي او مبصرین هم دې لوبلړۍ ته بلل شوي دي. دا لوبې په ټولو اړخونو کې د افغانستان لپاره مثبتې او ډېرې ګټورې تمامېدای شي."
د شپږیزې په لړۍ کې اته لوبډلې برخه لري او ۳۲ لوبې په کې پلان شوي دي، چې د زمري د میاشتې تر ۱۴مې پورې دوام کوي.