چارواکي: ارزګان کې د کولرا ناروغۍ له امله ۴ کسان مړه شوي
د خاص ارزګان ولسوالۍ روغتیايي امر، ډاکټر بشیر احمد عزتمل ازادۍ راډیو ته وویل، تر اوسه په کولرا څه باندې ۵۰ کسان اخته شوي دي.
چارواکي یې علت د ارزګان په ځینو برخو کې تر اورښتونو وروسته د سېلابونو راتګ او د پاکو اوبو د زېرمو زیانمنېدل ښيي.
د افغانستان له ځینو نورو برخو هم په وروستیو کې د کولرا ناروغۍ د خپرېدو په باب راپورونه ورکړل شوي دي.