طالبان: تېرو دوو ورځو کې سېلابونو درانه ځاني او مالي زیانونه اړولي
محمدنسیم حقاني بېګا آزادۍ راډیو ته وویل، چې دې سېلابونو خلکو ته درانه مالي تلفات هم اړولي دي.
هغه زیاته کړه: "په تېرو دوو ورځو کې چې کوم سېلابونه راغلي، په نتیجه کې یې ۱۸ هېوادوال په شهادت رسېدلي، د خلکو لسګونه کورونه ویجاړ شوي دي او زرګونه جریبه کرنیزې ځمکې د دې سېلابونو له کبله تخریب شوې دي."
د حقاني په وینا لس کسان د غزني په قره باغ ولسوالۍ کې د یوه موټر د ډوبېدو په پېښه کې او اته کسان په کندهار کې د سېلاب له کبله مړه شوي.