ترکیې ته د افغانستان د المپیک کمېټې د پلاوي سفر
دغې ادارې په خپله فېسبوک پاڼه لیکلي، چې د پلاوي په تشکیل کې د ملي المپیک کمېټې د رییس په شمول د یادې ادارې څو نور چارواکي شامل دي.
په خبر کې راغلي، چې له افغانستان څخه په دغو لوبو کې د لامبو وهلو، ځغاستې، معلولينو، تکواندو، کراټې او پهلواني ٢٢ورزشکاران په کې ګډون وکړي.
د ورزشي اژانسونو د راپورونو له مخې، ټاکل شوې د ترکیې په کوربتوب د دې هېواد په قونيه ښار کې د اسلامي هېوادونو پنځم پړاو سيالۍ د اګسټ له ٩مې نېټې څخه تر ١٨ مې پورې دوام وکړي.
په دغو سياليو کې به د ۱۴ اسلامي هېوادونو لوبغاړي ونډه واخلي.