Në Kosovë edhe 7 viktima dhe 270 raste me koronavirus
![Në Kosovë edhe 7 viktima dhe 270 raste me koronavirus](https://gdb.rferl.org/e2c10117-86b9-4378-af1d-f94f5c4ff8f7_w800_h450.jpg)
Shtatë viktima dhe 270 raste të reja me koronavirus u raportuan të shtunën në Kosovë.
Instituti Kombëtar i Shëndetësisë Publike të Kosovës (IKSHP) tha se tri viktima u konfirmuan në Prishtinë dhe nga një në Gjilan, Kamenicë, Klinë dhe Novobërdë.
Sipas IKSHPK-së, rastet e reja rezultuan nga testimi i 1,003 mostrave.
Në 24-orëshin paraprak u raportua edhe për 478 pacientë të shëruar.
Me shifrat e fundit, numri i përgjithshëm i të infektuarve me koronavirus në Kosovë arrin në 50,405.
Prej tyre, 1,305 pacientë kanë vdekur dhe 39,134 janë shëruar.
Raste aktive aktualisht janë 9,966.