Новости за 08.04.2022

Лӯлитаборон дар Тоҷикистон мехоҳанд ба оҳистагӣ аз талбандагӣ даст бикашанд ва бо ҷалби фарзандонашон ба мактаб зиндагии худро дар оянда аз роҳи дигар таъмин кунанд.

Додгоҳи ҳарбии вилояти Хатлон сержанти қисми ҳарбии Ҳамадонӣ Сиддиқ Саъдулоевро дар марги сарбоз Миралӣ Боқиеви 20-сола айбдор дониста, ӯро  ба 13 соли зиндон маҳкум кард.

Паймони миллӣ, эътилофи чаҳор созмони мухолифини тоҷик дар Аврупо, ки фаъолияташ дар Тоҷикистон мамнуъ аст, ҳукми шаш соли зиндони Шоҳида Маҳмадҷонова, модари як блогери тоҷикро маҳкум кардааст. Дар изҳороти ин паймон, ки шоми 7-уми апрел дар Фейсбук нашр шуд, ҳукми ин шаҳрванди Тоҷикистон “амали комилан ғайриқонунӣ ва хилофи ҳама меъёрҳои ҳуқуқибашарӣ” арзёбӣ шудааст.  Додгоҳи ноҳияи Исмоили Сомонии шаҳри Душанбе дар як қароре, ки дирӯз содир шуд,  модари 45-солаи  Шерзод Маҳмадҷонов, ки бо номи... Читать дальше...

Комиссияи Ҳамбастагии олимпии Кумитаи байналмилалии олимпӣ 17 варзишгари тоҷикро барои дарёфти роҳхат ва омодагӣ ба Олимпиадаи Париж-2024 аз ҷиҳати молӣ дастгирӣ хоҳад кард. Ба иттилои сомонаи Кумитаи миллии олимпии Тоҷикистон, дар доираи        Барномаи “Дастгирии молии олимпӣ – Париж-2024” ба Кумитаи миллии олимпӣ ҳар моҳ маблағ дар ҳаҷми 7500 доллар ҷудо мегардад. Барнома барои варзишгарон имкон фароҳам меорад, ки ҷиҳати дарёфти роҳхат ба Бозиҳои тобистонаи олимпии Париж-2024 талош кунанд. Читать дальше...

Қурби сомонӣ дар муқобили рубли русӣ поинтар шуд. Коршиносон бовар доранд, ки ин раванд муваққат ва сунъӣ мебошад.

Як сиёсатмадори рӯ ба Кремлин тарафдори мораторий ба тақдими шаҳрвандии Русия ба тоҷикистониҳо шуд.

Нигоҳе ба ҳаёти лӯлитаборони Тоҷикистон. Гузориши Сарвинози Руҳуллоҳ ва Шаҳлои Абдуллоҳ.

Кишварҳои ғарбӣ таҳрими Русияро вусъат мебахшанд.

Телевизиони давлатии Эрон рӯзи 7-уми апрел гуфт, ки дуюм рӯҳонии дар  ҳамла ба ибодтагоҳи шиаён дар шаҳри шимолушарқии Машҳади Эрон маҷрӯҳшуда ҳам даргузашт. Хабари марги Муҳаммад Содиқ Дороӣ дар ҳоле нашр шуд, ки ҳазорҳо нафар дар маросими ҷанозаи қурбонии аввали ҳамлаи мусаллаҳона Ҳуҷҷатулислом Муҳаммад Аслонӣ иштирок карданд. Ҳамла дар масҷиди Имомризои Машҳад рӯзи 5-уми апрел рух дод ва дар ин ҳодиса нахуст Дороӣ ҷон дод. Табибон натавонистанд рӯҳонии сахт маҷрӯҳшударо наҷот диҳанд. Дар ин ҳодиса... Читать дальше...

Тоҷикони Самарқанд аз рушди забони модарӣ дар солҳои ахир хушҳоланд. Дар ин бора Фарзон Муҳаммадӣ гузориш медиҳад.

Поиншавии қурби сомонӣ дарм уқобили рубли Русия, таҳрими нави Русия, нигоҳе ба ҳаёти лӯлитаборони Тоҷикистон, хушҳолии тоҷикони Самарқанд аз рушди забони тоҷикӣ ва матолиби дигар. Хабар ва аксу видеои бештар дар ин сафҳа: https://t.me/radioozodi

Президенти Тоҷикистон Эмомалӣ Раҳмон дар мулоқот бо Намояндаи махсуси Иттиҳоди Аврупо оид ба Афғонистон  Томас Никлассон ба «зарурати ҳарчи зудтар афзоиш додани ҳаҷми кӯмакҳои башардӯстона ба мардуми Афғонистон” таъкид кардааст. Ба навиштаи вебсайти президенти Тоҷикистон, ин мулоқот рӯзи 8-уми апрел дар Душанбе дар Қасри миллат барпо шудааст. Дар мулоқот бо дипломати аврупоӣ раҳбари Тоҷикистон омодагии кишварашро дар интиқоли кӯмакҳо ба Афғонистон баён кардааст. Ҷузъиёти бештари дидору гуфтугӯи ду мақом оварда намешавад... Читать дальше...

Санадҳои расонаишуда дар Узбекистон нишон медиҳанд, ки яке аз ширкатҳои наздик ба ҳукумати он кишвар корхонаи металлургӣ (Узметкомбинат), яке аз бузургтарин корхонаҳо дар сатҳи вилоятро соҳиб хоҳад шуд. Ин иқдом дар асоси қароре сурат мегирад, ки президенти Узбекистон Шавкат Мирзиёев соли 2021 дар бораи хусусигардонии саҳми давлат дар корхонаҳои хурду бузрг ба имзо расонида буд. Дар ҳоли ҳозир маҳсулоти корхонаро, ки бояд тибқи нархгузории бозор фурӯхта шавад, ширкати марбут ба Бахтиёр Фозилов... Читать дальше...

Президенти пешини Қирғизистон Алмосбек Отамбоев 8 апрел дар толори додгоҳи ноҳияи Якуми майи шаҳри Бишкек ҳангоми баррасии парвандаи ҳаводиси моҳи октябри соли 2020 огоҳона тартиботро вайрон кард. Худи Отамбоев изҳор дошт, ки наметавонад дар мурофиа иштирок кунад ва бинобар ин, маҷбур шуд, тартиботро вайрон намояд. "Ман бемор ҳастам, дастам дард мекунад ва инҷо нишаста наметавонам. Маро ҳабси якумрӣ кунед, вале масхараро бас намоед. Маро аз толори додгоҳ берун кунед", - изҳор дошт Отамбоев. ... Читать дальше...

Сухангӯи президенти Узбекистон Шерзод Асадов хабар дод, ки Алишер Султонов аз мақоми вазири энергетикаи он кишвар барканор шудааст. Ба гуфтаи Асадов, Алишер Султонов бо фармони президенти Узбекистон Шавкат Мирзиёев ба далели "вазъи саломатӣ ва гузаштан ба кори дигар" аз мақоми вазири энергетика сабукдуш гаштааст. Алишер Султонови 55-сола моҳи феврали соли 2019 вазири энергетикаи Узбекистон таъйин шуда буд. Манбаъ нагуфтааст, ки вазири нави энергетикаи Узбекистон кӣ мешавад ва Султонов ба кадом кор гузаштааст.

Ба сардабири нашрияи “Новая газета” ва яке аз барандаҳои ҷоизаи сулҳи Нобели соли 2021  ранги равғании сурх ва асетон  рехтанд. Дмитрий Муратов гуфт, ки шоми 7-уми апрел ҳангоми сафараш бо қатор аз шаҳри Маскав ба Самара мавриди ҳамлаи фарди ношиносе қарор гирифт. Ҳамлагар бо нидои “Муратов, ин  посух барои  писарҳои мо” ба сару рӯву дигар аъзои бадани журналисти маъруф ранг рехт. Акси ранголуди Муратов дар Телеграм канали нашрияи “Новая газета” чоп шуд. Ӯ гуфт, ки дар натиҷаи ба чашмаш расидани ранги кимиёӣ  дар чашмонаш сӯзиш пайдо шудааст. Читать дальше...

Аз аввали апрел ба ин сӯ бисёр сокинон дар минтақаи Кӯлоб аз камбуди пули нақд дар банкоматҳои “Амонатбонк” шикоят мекунанд.

Варзишгарони тоҷик дар мусобиқаи байналмилалии ҷудо Ҷоми Осиё миёни наврасон ва ҷавонон ба хотираи Учқун Муродов, паҳлавони номдори узбек, ки дар шаҳри Тошканди Узбекистон ҷараён дорад, ду медали биринҷӣ ба даст оварданд. Ба иттилои сомонаи Федератсияи ҷудои Узбекистон, дар ин мусобиқаи анъанавии байналмилалӣ ҳудуди 500 варзишгар аз чаҳор кишвари Осиёи Марказӣ (Қазоқистон, Қирғизистон, Тоҷикистон ва Узбекистон), инчунин аз ду кишвари Аврупо (Гурҷистон ва Озарбойҷон) иштирок доранд. Дар маросими ифтитоҳи мусобиқа... Читать дальше...

Додгоҳи олии Покистон рӯзи панҷшанбеи 7-уми апрел порлумони парокандашудаи ин кишварро барқарор кард ва дастур дод, ки пас аз як ҳафтаи бесарнавиштӣ дар бораи тарҳи нобоварӣ ба нахуствазири ин кишвар, раъйдиҳӣ баргузор шавад. Қарор буд намояндагони порлумони Покистон рӯзи якшанбеи 3-юми апрел дар бораи тарҳи нобоварӣ ба Имрон Хон, сарвазири он кишвар раъйдиҳӣ кунанд. Аммо муовини порлумон, ки мухолифонро ба "даст доштан дар як тавтеа бо як қудрати хориҷӣ барои барканории раҳбари Покистон" муттаҳам кард, монеи баргузории раъйдиҳӣ шуд. Читать дальше...

Қирғизистон ва Иттиҳоди Аврупо рӯзи 6-уми апрел созишномаи грантиро дар ҳаҷми 32 млн евро имзо карданд, ки ин маблағ ба бахши маориф равона мешавад. Дар ин бора аз вазорати молияи Қирғизистон хабар доданд. Дар хабари вазорат омадааст, ин ҷузъи севуми барномаи кӯмак ба буҷа аст, ки дар маҷмуъ 72 млн евроро дар бар мегирад ва 5 млн еврои дигар кӯмаки техникӣ хоҳад буд. Вазорати маориф ва илми Қирғизистон хабар дод, ки грант дар доираи барномаи "Созиш барои анҷом додани ислоҳот дар бахши таҳсили Қирғизистон" ҷудо шудааст. Читать дальше...

Сардор Бердимуҳаммадов, президенти Туркманистон котиби Шӯрои амнияти давлатӣ ва вазири корҳои дохилии кишварашро иваз кард. Ба ҷуз ин вай мансаби ноиб-сарвазир дар умури амниятро бекор кард. Бердимуҳаммадов дар шарҳи аз мақом рондани вазири корҳои дохилии кишвараш гуфт, ки вазир Овездурдӣ Хоҷаниёзов пештар танбеҳи сахт гирифта буд. Дар бораи тағйироти Бердимуҳаммадов рӯзи 6-уми апрел хабар дода шуд. Сардор Бердимуҳаммадов - писари Қурбонқулӣ Бердимуҳаммадов, президенти пешини Туркманистон аст... Читать дальше...

Коршиносон бар ин назаранд, ки буҳрони молӣ-иқтисодии Русия ва коҳиш ёфтани пули муҳоҷирон метавонад ба зиндагии сокинони ВМКБ таъсири чашмрас дошта бошад. Кишоварзӣ дар ин минтақа пешрафта нест ва арсаи саёҳӣ пас аз бемории ҳамагири COVID-19 ба ҳолати пешинааш бар нагашт.