Новости за 27.04.2022

Даҳҳо муҳоҷир аз кишварҳои Осиёи Марказӣ дар Маскав барои кам шудани ҳаққи корашон як ҳафта боз эътироз доранд.

Як ҳайат аз Тоҷикистон як ҳафта пеш ба Сурия рафта, бо занони тоҷик дар паноҳгоҳи Роҷ вохӯрдаанд. Ба гуфтаи манобеи огоҳ, дар ин ҳайат намояндагони ниҳодҳои қудратӣ ва дипломатҳои тоҷик ҳузур доштанд.

Дар шаҳри Чимкенти Қазоқистон рӯзи 26-уми апрел даҳҳо сокин пушти дари ҳукумати маҳаллӣ ҷамъ ва зидди барномаи қарзи манзил эътироз карданд. Пештар аз ин ҳукумати маҳаллӣ гуфт, озмуни амалисозии барномаи манзил ғайриқонунист. Ҷамъшудаҳо гуфтанд, ки шартҳои озмунро иҷро ва пешпардохтро анҷом додаанд, ҳамакнун талаби манзил доранд. "Ман зидди онам, ки натиҷаҳои озмун бекор шавад. Озмун расмӣ буд. То ин замон ҳукумат куҷоро нигоҳ кард?", - гуфт Арслон Олтой, яке аз эътирозгарон. "Ман талаби манзили ройгон надорам. Читать дальше...

Президенти Узбекистон Шавкат Мирзиёев рӯзи 26-уми апрел дар бораи ғорат ва зиёни осори фарҳангии кишвараш маълумот дод. Мирзиёев гуфт, санҷиши 14 осорхона нишон додааст, ки бештар аз 3 ҳазор осори арзишманди фарҳангӣ ғорат шудааст. Ба иттилои вай, дар маҷмуъ зиёне, ки ба иншооти мероси фарҳангӣ дар 30 соли охир расонида шудааст, ба бештар аз 355 млн доллари ИМА баробар аст. Мирзиёев дастур додааст, ки феҳристи тамоми бозёфтҳои таърихии осорхонаҳо то охири сол тартиб дода шавад. Ба илова, президенти Узбекистон гуфтааст... Читать дальше...

Дар ин бора иҷрокунандаи вазифаи вазири корҳои хориҷии Қирғизистон Ҷеенбек Кулубоев рӯзи 27-уми апрел хабар дод. "Он чи марбут ба афви муҳоҷирони қирғизистонӣ аст, ин аст, ки муҳоҷирон дар соли 2019 афв шуданд ва ҳоло мо ду муротиба муроҷиат кардем. Чанде пеш аз Русия як ҳайат омад, ки дар мулоқот бо онҳо мо ин масъаларо бардоштем. Президенти Қирғизистон Содир Ҷабборов низ пештар ба ҳамтои русаш Владимир Путин муроҷиат кард. Мо дархост кардем, муҳоҷиронеро афв кунанд, ки қонуншиканиҳои камаҳамият содир кардаанд", - гуфт Кулубоев. Читать дальше...

Содир Ҷабборов, президенти Қирғизистон аз бозпурсӣ дар Додситонии кулли кишвараш берун шуд. Дар ин бора аз маркази матбуотии додситонӣ хабар доданд. Ҷабборов дар робита ба ҳаводиси моҳи июни соли 2010, ки дар ҷануби Қирғизистон рух дода буд, ба ҳайси шоҳид бозпурсӣ шудааст. То инқилоби апрелии соли 2010 дар Қирғизистон Ҷабборов мудири Оҷонси пешгирии фасоди Хадамоти давлатии кадрҳои он кишвар буд. Ахиран Қамчибек Тошиев, раиси Кумитаи давлатии амнияти миллии он кишвар низ дар доираи парвандаи... Читать дальше...

Як ҳайат аз Тоҷикистон як ҳафта пеш ба Сурия рафта, бо занони тоҷик дар паноҳгоҳи Роҷ вохӯрдаанд.

Намояндагони  ҷамоату маҳаллаҳо дар Тоҷикистон ба ҷамъоварии фитри рӯзаи мардум пардохтаанд.

Шӯрои уламои Маркази исломии Тоҷикистон рӯзи таҷлил аз Иди Фитрро эълон кард. Бар асоси қароре, ки рӯзи 27-уми апрел қабул шуд, Иди Фитр дар Тоҷикистон 2-юми май таҷлил мешавад. Намози идро соати 6-и субҳ мехонанд.  Шӯрои уламо имсол нисоби закотро 35 ҳазор сомонӣ муқаррар кардааст, ки аз ин маблағ 875 сомонӣ закот дода мешавад. Фитри рӯза ба ҳисоби гандум 7 сомонӣ ва ба ҳисоби мавиз 80 сомонӣ (барои шахсоне, ки тавоноии молии бештар доранд) муайян карда шуд.  Барои афроде, ки наметавонанд рӯзаи моҳи Рамазонро бигиранд... Читать дальше...

Президенти Қазоқистон Қосимҷомарт Тоқаев дар анҷумани ғайринавбатии Ҳизби ҳокими "Амонат" эълом кард, ки аз раҳбарии ҳизб ва узвият дар он даст кашид. Тоқаев ин тасмимашро ба тағйиру иловаҳое рабт дод, ки бо ташаббуси худи ӯ ба Конститутсияи он кишвар қарор аст, ворид карда шавад. "Ман тасмим гирифтам, ки аз имрӯз раҳбарии ҳизб ва узвияти худ дар онро қатъ кунам. Ин як гоми рамзӣ аст. Бинобар ин, ба ҳамаи шумо барои боварӣ ва дастгирӣ дар интихобот миннатдорӣ баён мекунам", - изҳор дошт вай.... Читать дальше...

Коршиносон ба ин боваранд, ки мувофиқатномаи ҳамкории низомии Тоҷикистон ва Туркия ҳузури Анқараро дар минтақаи Осиёи Марказӣ густариш медиҳад.

Чунонки қаблан сомонаи Федератсияи футболи Тоҷикистон хабар дода буд, пас аз бохти «Хуҷанд» дар майдони худ дар даври чаҳоруми мусобиқаи қаҳрамонии футболи Тоҷикистон-2022 аз КМВА (Клуби марказии варзишии артиш)-и Душанбе бо ҳисоби 1:2 сармураббии даста Рустам Хоҷаев тасмим гирифт, ки аз вазифааш истеъфо диҳад. Ба иттилои сомонаи клуби футболи “Хуҷанд”, роҳбарияти бошгоҳ истеъфои сармураббиро напазируфт, бинобар ин Рустам Хоҷаев вазифаашро тибқи қарордод то 2-юми июли соли равон идома медиҳад. Читать дальше...

Федератсияи байналмилалии хоккей қарор кард, чемпионати ҷаҳонии хоккей, ки интизор мерафт, Русия соли 2023 аз он дар шаҳри Санкт-Петербург мизбонӣ кунад, дар кишвари дигар баргузор шавад. Дар федератсия гуфтанд, ки ин қарор бо назардошти амнияти хоккейбозҳо, намояндагони расмӣ, расонаҳо ва мухлисон гирифта шудааст. Макони нави баргузории мусобиқот дертар маълум мешавад. Федератсия қаблан иштироки Русия ва Белорусро дар мусобиқаҳои байналмилалии хоккей манъ карда буд. Пештар низ Русия аз ҳаққи... Читать дальше...

Муовини сардори Раёсати Вазорати мудофиаи Узбекистон дар умури тарбия ва идеологӣ 25--уми апрел гуфт, дар рӯзи 9-уми май баргузории паради низомӣ дар нақша намебошад. Мамадалиев афзуд, ки дар он рӯз баргузории чорабиниҳои бахшида ба эҳтироми пиронсолон дар назар аст. Намояндаи Вазорати дифои Узбекистон изҳор дошт, ки кишвараш ду соли ахир паради низомӣ баргузор намекунад. Ахиран Қирғизистон ва Қазоқистон низ эълом карданд, ки дар рӯзи 9 майи соли равон паради низомӣ баргузор намекунанд.

Вазири рушди рақамии Қирғизистон Талант Иманов гуфт, шаҳрвандеро дастгир карданд, ки мехост ба Туркия беш аз 100 шиносномаи қирғизиро интиқол диҳад. Ба гуфтаи ӯ, дар шуъбаи сабти асноди ҳолати шаҳрвандии вилояти Узгени Қирғизистон санҷиш идома дошта, аллакай норасоии 1200 шиносномае, ки бояд маҳв карда мешуд, ошкор шудааст. Иманов хабар дод, ки Кумитаи амнияти миллии Қирғизистон дар робита ба ин ҳодиса шаш касро боздошт кардааст ва дар миёни онҳо кормандони пешини хадамоти шиносномадиҳӣ низ ҳастанд. Читать дальше...