Новости за 14.09.2022

Дар Амрико хирсе меҳмони нохондаи ҷашни зодрӯзи Куруши дусола, писари як оилаи тоҷикистонӣ шуд ва шириниву кулчақандҳои меҳмононро нӯши ҷон кард. Наворҳои видеоии меҳмони нохондаи оилаи Рауф Маҷидиёнро дар аёлати Коннектикут телевизионҳои CNN, Fox ва дигар шабакаҳои амрикоӣ нашр карданд. Ҳодиса рӯзи 4-ми сентябр рӯй додаст. Рауф Маҷидиён, ки мутахассиси муомилот бо хонаву моликият аз шаҳри Турсунзода аст, бо оилаву ду фарзандаш ва тахминан 30 меҳмони дигар 2-солагии писарашонро ҷашн мегирифтанд. Читать дальше...

Дар Амрико хирсе меҳмони нохондаи хонаводаи як оилаи тоҷикистонӣ шуду шириниҳои рӯи мизро, ки ба муносибати дусолагии Куруш гузошта шуда буд, нӯши ҷон кард. Видеои меҳмони нохондаи оилаи Рауф Маҷидиёнро телевизионҳои амрикоӣ нашр карданд. Ҳодиса рӯзи 4-уми сентябр рӯй додаст.

Бино ба гузоришҳо, дар ҷараёни муноқиша дар марзи Тоҷикистону Қирғизистон дар рӯзи 14-уми сентябр ду марзбони тоҷик кушта ва 11 нафари дигар маҷруҳ шудаанд. Хабаргузории “Азия Плюс” аз қавли манобеи худ дар ҷамоати Ворух дар Исфара навиштааст, дар миёни маҷруҳон 6 марзбон ва 5 сокини маҳаллаҳои наздимарзӣ ҳастанд. Ба қавли хабаргузорӣ, яке аз марзбонон, ки субҳи 14-уми сентябр дар натиҷаи тирандозии сарҳадбонони қирғиз маҷруҳ шуд, бинобар хунравии зиёд ҷон додааст. Мақомоти расмии Қирғизистон мегӯянд... Читать дальше...

Додгоҳи шаҳри Маскав 6 хонаи Гулнора Каримова, духтари зиндонии Ислом Каримов, раиси ҷумҳури собиқи Узбекистонро мусодира кардааст. Музраф Икромов, муовини вазири адлияи Узбекистон рӯзи 13 уми сентябр гуфт, пуле, ки аз ҳисоби фурӯши хонаҳо дар Маскав ба даст меояд, байни ду кишвар тақсим мешавад.

Ҳукумати Тоҷикистон аз ҷанг байни Арманистону Озарбойҷон изҳори нигаронӣ карда ва аз ҳарду хостааст, муноқишаро ҳарчӣ зудтар ва аз роҳи дипломатӣ ҳал кунанд.

Тирпарронии маргбор дар марзи Тоҷикистону Қирғизистон, манъи фаъолияти ҳизби наҳзатии исломии Тоҷикистон дар қаламрави Русия, қиссаи зани уйғуртабор, ки се сол бандии урдугоҳи "бозтарбия"-и Чин будааст ва хирси ваҳшӣ дар меҳмонии як оилаи тоҷикони Амрико.

Дар видеоҳое, ки дар дасти корбарони шабакаҳои иҷтимоӣ чарх мезанад, маҳаллаи Чорқишлоқи ноҳияи Исфара дида мешавад, ки мошинҳои низомӣ ва тонкҳо дар канори роҳ истодаанд. Видеои дуввум аз дарс берун овардани кӯдаконро дар маҳаллаи Чоркуҳ нишон медиҳад, ки аз тарс мегирянд.

Рӯзи 16-уми сентябр дар шаҳри Маскав вохӯрии дастаҳои мунтахаби бокси Русия ва Тоҷикистон баргузор мешавад.

Додгоҳи олии Русия, Ҳизби наҳзати исломии Тоҷикистонро як созмони террористӣ эълон ва фаъолияти онро дар қаламраваш манъ кард.

Дар марзи Қирғизистон бо Тоҷикистон тирпарронии нав рух додааст. Ин бор дар минтақаи Кок-Сойи ноҳияи Бодканди ҳаммарз бо Тоҷикистон, хабар медиҳанд мақомоти марзбонии Қирғизистон. Ба иттилои Хадамоти марзбонии Қирғизистон, тирпарронӣ идома дорад. Ҷониби Тоҷикистон дар ин бора то кунун хабар надодааст. Ин дар ҳолест, манобеи Радиои Озодӣ гуфтанд, дар муноқишаи субҳи 14-уми сентябр як марзбони тоҷик кушта ва се нафар маҷруҳ шудаанд. Хабаргузории Ройтерс ҳам дар бораи кушта шудани як марзбони тоҷик хабар додааст. Читать дальше...

Варзишгарони тоҷик дар мусобиқоти қаҳрамонии ҷаҳон оид ба гуштии камарбандӣ, ки рӯзҳои 9-11-уми сентябр дар шаҳри Намангони Узбекистон баргузор шуд, се медал (як нишони нуқра ва ду биринҷӣ) ба даст оварданд. Мусобиқоти қаҳрамонии ҷаҳон оид ба гуштии камарбандӣ миёни мардон ва занон барои дарёфти ҷоизаҳои президенти Узбекистон дар маҷмааи варзишии «Баркамол авлод»-и Намангон доир гардид. Дар ин мусобиқоти ҷаҳонӣ беш аз 250 варзишгар аз 22 кишвар, аз он ҷумла ҷумҳуриҳои собиқи шӯравӣ - Гурҷистон... Читать дальше...

Субҳи 14-уми сентябр дар марзи Тоҷикистону Қирғизистон тирпарронӣ рух додааст. Ҳарду тараф якдигарро ба сар задани ҳодиса гунаҳкор мекунанд.

Попи Рум Франсиск бо сафари давлатии серӯза ба Қазоқистон рафт. Ӯро дар фурудгоҳ президенти Қазоқистон Қосимҷомарт Тоқаев пешвоз гирифт. Попи Рум қарор аст, дар ҷараёни ин сафар дар Анҷумани VII пешвоёни динҳои ҷаҳонӣ ва суннатӣ, ки қарор аст, аз 13 то 15 сентябри имсол дар шаҳри Нурсултон баргузор шавад, иштирок кунад. Интизор мерафт, ӯ дар ҷараёни ин сафар бо патриархи калисои православии Русия Кирилл мулоқот кунад. Аммо Кирилл дар охирин лаҳзаҳо сафараш ба шаҳри Нурсултонро бекор кардааст.

Қосимҷомарт Тоқаев, раиси ҷумҳури Қазоқистон дар як ҳаракати дигар барои фосила гирифтан аз президенти пешин ризоят додааст, ки номи пойтахти кишварро аз Нурсултон ба Остона табдил диҳанд.

Додситонии кулли Қирғизистон дар пайи санҷиши фаъолияти ширкати "Қумтор Голд Компани", ки кони тилои "Қумтор"-ро дар ихтиёр дорад, се парвандаи ҷиноӣ боз кардааст. Ба иттилои додситонӣ, "бино ба ҳисобҳои пешакӣ, масъулони ширкат дар асоси як нақшаи фасодкорӣ ба давлат ба маблағи тақрибан 1 миллиард сом зарар расондаанд." Ширкати канадагии Centerra Gold Inc. тавассути ширкати фаръии "Қумтор Голд Компани" ба коркарди кони тилои Қумтори Қирғизистон машғул буд. Дар ин кон солона то 15-17 тона тило истихроҷ мешуд. Читать дальше...

Вазорати умури хориҷии Амрико рӯзи 13-уми cентябр гуфт, Русия аз соли 2014 то кунун барои таъсир гузоштан ва нуфуз ба сиёсатмадорону дигар мақомоти расмӣ дар даҳҳо кишвари дунё 300 миллион доллар сарф кардааст.

Рустами Эмомалӣ, раиси шаҳри Душанбе қарор дар бораи даъвати ҷавонони пойтахт ба сафи неруҳои мусаллаҳи Тоҷикистонро тасдиқ кардааст.

Пайвандони Ораз ва Рамзӣ Вазирбековҳо ду фаъоли мадании боздоштшудаи зодаи Бадахшон мегӯянд, мақомоти тафтишотӣ иҷоза намедиҳанд, бо онҳо суҳбат кунанд ва вакили мудофеъи онҳо низ ҳеч ҳарфе дар бораи парванда намегӯяд.

Вазорати дифои Озарбойҷон гуфт, дар ҷараёни даргириҳо бо неруҳои арманитабор  дар рӯзи гузашта 50 сарбозашро талаф додааст. Пеш аз ин Арманистон гуфт, ки дар ин ҷанг камаш 49 сарбози кишвар кушта шудаанд.