Дар ҷисми Саакашвилӣ моддаи заҳрноки арсен пайдо кардаанд
Шалва Хачапуридзе, вакили мудофеи Михаил Саакашвилӣ, президенти пешини Гурҷистон гуфт, дар ҷисми вай моддаи заҳрноки кимиёвии арсен пайдо кардаанд.
Хачапуридзе гуфт, ки яке аз заҳршиносони ИМА натиҷаҳои ташхиси тиббии Саакашвилиро меомӯзад. "Мо ҳанӯз ташхиси нохунҳои ӯро нагирифтем, аммо тариқи телефон хабар доданд, ки моддаи заҳрноки арсен ошкор шудааст", - гуфт вакили мудофеъ.
Саакашвилӣ дар Гурҷистон зиндонӣ аст.
Пештар аз ин Саакашвилӣ борҳо дар зиндон бистарӣ шуд. Вай дар зиндон адои муҳлати шашсола мекунад. Ӯро бо айби сӯистифода аз мақоми хизматӣ зиндонӣ кардаанд.